Nenged-ulaula 21:5 - Ke meupiya ne tudtul mekeatag ki Hisu Kristu

⁵ Ugaid ne guna su neuma en ke hewii te ked-ipanew rey rutun, ne migenat key en. Ne langun ne menge mibperetiyaya meama se meritan, abpeg te menge anak dan, se miduma kenami taman diyà te beyvey te rahat ne mibpenimbuel key se ebpengeningeni te Eleteala.

Nenged-ulaula 21:5 ပူးပေါင်းရင်းမြစ်များ

Mateo 14:21

Ne ke menge etew ne migkaan ketà ne menge lelima nengivu ke meama, liyu pà ke menge meritan batà.

Marcos 1:40

Senge hewii ne ruen etew ne egkevuwaen ne muna pà te it-it ne mid-uvey ki Hisus. Mibpenimbuel en sikandin diyà te sineruwan ni Hisus se ebpemuyù te, “Embiya perem egkiyug ke rà, ne egkeulian nu ini se meredsik ne sakit ku,” ke sikandin.

Lucas 22:41

Mid-ewaan ni Hisus sikandan te egkeuma red te edtimbag, ne mibpenimbuel sikandin se ebpengeningeni te Eleteala.

Nenged-ulaula 15:3

Ketà te ked-ipanew ran ne midtevangan dan dut te menge mibperetiyaya kayi te inged ne Antiyuka. Ne gewii te kebpevayà dan kayi te Pinisiya wey Semariya ne miguhud dan mekeatag dut te menge etew ne kenà Hudiyanen ne nekeperetiyaya en ki Hisus. Nerineg ini rut te menge mibperetiyaya ketà ne nengehalew ran nevenar.

Nenged-ulaula 17:10

Guna su merukilem en ne impeipanew en dut te menge mibperetiyaya si Pablo ki Silas se ebpependiyà te inged ne Beriya. Nekeuma ran, ne mibpendiyà dan te baley ne ebpengedian te menge Hudiyanen te penduan dan.

Nenged-ulaula 20:36

Guna su nekeipus si Pablo se edlalag ne mibpenimbuel sikandin abpeg ke ruma ne menge mibperetiyaya ne mibpengeningeni sikandin te Eleteala.

Nenged-ulaula 20:38

Iyan dan ibmerungkug ne arà se lalag din ne kenà dan en ebpemekegkita. Ketà ne midumaan dan sikandin taman diyà te kapal.

Nenged-ulaula 9:40

Ne impeluwal ni Pedro langun dan dut te sungkù, ne mibpenimbuel sikandin se ebpengeningeni te Eleteala. Rutun ne midsineruwan din ke minatey ne migkehiyan din te, “He Tebita, enew ka!” Nehimerat ke mata rin ne nekita rin si Pedro ne ketà ne mibpinuu.