Nenged-ulaula 2:27 - Ke meupiya ne tudtul mekeatag ki Hisu Kristu

²⁷ su netuenan ku te kenà din idtahak ini se gimukud ku diyà te inged ne Iveyaan; siaken ne laus ne edtuman te suhù din, ne kenà din idtahak ini se lawa ku te egkeredak dà.

Nenged-ulaula 2:27 ပူးပေါင်းရင်းမြစ်များ

Mateo 11:23

Ne sikiyu rema ne menge etew riyà te inged ne Kapirnawum,” ke si Hisus, “egkesuat kew perem ne ebpekesugkur diyà te langit, ugaid ne ibpeantug kew riyà te apuy nerakà. Su ini se mekegeyip ne mid-ulaula ku ne impekita ku keniyu ne embiya ingkepekita ku rà ini riyà te inged ne Sudum, ne warà dan dereeti te Eleteala ne kemulu ran pà guntaani.

Marcos 1:24

“Hisus ne riyà ebpuun te Nesarit, engkey se kememeniyà nu kayi te sikami ne vusew? Maa, edereetan key nikuna? Egkekilala ku sikuna su sikuna ke Berekat ne Midsuhù te Eleteala.”

Lucas 1:35

Migkahi maa ke suluhuen te Eleteala te, “Iyan ma edalandalan keykew ke Kedesenan ne Ebpetuntul te Menusiyà, ne ke gehem te Eleteala ne ini en te keykew. Tembù be ini se igkeanak nu ne berekat ne vatà ne iyan id-ingaran kandin ke Anak te Eleteala.

Lucas 16:23

Ne nekependiyà sikandin te apuy ne rakà ne nerasey nevenar sikandin! Ne midlingakà sikandin ne nekita rin diyà te medmeriyà si Abraham. Ne nekita rin dema ketà si Lazaro diyà te uvey rin.

Lucas 24:44

Ne migkahi si Hisus kandan te, “Pehaney te kayi e pà te keniyu ne ini iya ke migkahi ku keniyu: Langun te impesurat mekeatag kediey ketà te penduan ni Moises wey ke impesurat te menge mibpelambas te Lalag te Eleteala wey arà se insurat ketà te riberù ne ed-ingaranan te Salmu ne langun din ne metuman iya kayi te kedì. Na guntaani ne netuman en arà kayi te netemanan ku.”

Lucas 4:34

“Hey Hisus ne riyà ebpuun te Nesarit, engkey se kememeniyà nu kayi te sikami ne vusew? Maa, edereetan key nikuna? Egkekilala ku sikuna su sikuna ke Berekat ne Anak te Eleteala!”

Juan 11:39

“Iawà niyu ayan se batu!” ke si Hisus. Ne migkahi si Marta ke etevey dut te minatey te, “Mama, memawù en su neked-epat en ne andew ini se kineleveng kandin.”

Nenged-ulaula 2:26

Engketà arà ne mehalew nevenar ini se hinawa ku, ne misan kayi te lalag ku ne egketuusan nevenar. Ne misan ebpatey a ne idsarig ku kandin ini se lawa ku,

Nenged-ulaula 2:28

Impekita rin kediey ke ibayà te ebpendiyà te umur ne warà edtemanan din; wey mehalew a nevenar su ini en te kedì sikandin.’

Nenged-ulaula 2:31

Netuenan neraan ni David ini se ed-ul-ulaan te Eleteala ketà te akir din ne hewii, tembù be nelalag din mekeatag dut te kegkevanew ni Hisus, ke Impasad te Eleteala rengan ne Ebperetuen te langun, su migkahi si David te, ‘Warà sikandin intahak diyà te inged ne Iveyaan; ne warà neredak ke lawa rin diyà te leveng.’

Nenged-ulaula 3:14

Metilak nevenar se atey ni Hisus wey metidtu sikandin, ugaid ne warà niyu tuhuti ne ibpeliyu sikandin ni Pilatu su nasì niyu pà buyua te iyan din ibpeliyu rut te bilengguan ke senge etew ne terevunù.

Nenged-ulaula 4:27

Is, Eleteala,” ke sikandan, “ini se impekahi nu ki David dengan ne netuman en su nevurun en ke menge Hudiyanen wey ke kenà menge Hudiyanen diyà te engki Hirudis wey si Gubinedur Punsiyu Pilatu kayi te inged ne Hirusalim su neseveka ran en ne egkunterà ki Hisus, ini se sugsuhuen nu ne meputì nevenar se atey rin, ini se Impasad nu ne Ebperetuen te langun.

1 Kurintu 15:52

Su arà se kegkesalin te lawa tew keuremà ne megmehaan dà su seperek mata rà ke ebperehingen en ke budyung te Eleteala su tuus te ebpetedtaven en ke dunya. Su ebpedehingen arà se budyung ne egkevanew en ke menge minatey ne mibperetiyaya ne egkesembian en ke menge lawa ran te kenè en ebpatey. Ne sikitew se biviyag pà ne egkesalin en dema ke lawa tew.

1 Kurintu 15:55

“Ne endei en ke ketehel te kepepatey? In-awà en te Eleteala! Ke ketehel din ne ebpekeandek te etew ne nepupus en!”

1 Juan 2:20

Ugaid ne sikiyu ne kenà iring ketà su midtelimà kew en dut te Kedesenan ne Ebpetuntul te Menusiyà ne midsuhù ni Hisu Kristu, tembù be netuenan niyu langun ini se tidtu ne penurù.

Imperayag 1:18

Siaken ke ruen umur din ne warà edtemanan. Ne misan mid-imetayan a nikandan ne nevanew a iya, ne guntaani ne kenà ad ebpatey. Siaken ke egawed dut te umur te menge etew, ne siaken ded ke ebayàbayà dut te Iveyaan.

Imperayag 20:13

Uya, langun ne riyà te Hades te Ivayaan ne nevanew en misan mibpatey ran kayi te tanà etawa nelened ran diyà te rahat, ne nepasad en te kukuman kandan su atag dut te mid-ulaula ran te biviyag dan pà.

Imperayag 3:7

Ketà ne migkahi en maa si Hisus te, “Surati nu red ke suluhuen ne ebantey dut te menge mibperetiyaya diyà te inged ne Piledilpiya, ne ini se menge lalag ne isurat nu. “‘Ini se menge lalag ku keniyan te keniyu. Siaken ke ed-ulaula te metidtu, ne egkeserihan a. Ne mibehayan a te kebayàbayà su apey edatù te iring dut te kedatù ni David dengan. Ne embiya ebpuwasan ku ke gumawan su apey ruen etew ne ebpekelusud ketà te edetuan ku, ne warà etew ne ebpekelekeb kayi. Ne embiya edlekevan ku ini su apey warà etew ne ebpekelusud, ne warà ded maa etew ne ebpekepuwas kayi.