Nenged-ulaula 2:20 - Ke meupiya ne tudtul mekeatag ki Hisu Kristu

²⁰ Duen hewii,’ ke se Eleteala, ‘ne ebmerusirem ke andew, ne ebmerihà ke vulan iring te lengesa, embiya mehaan en ebpekeuma ini se mevantug ne hewii ne kedtimbang te Kerenan dut te langun ne menusiyà.

Nenged-ulaula 2:20 ပူးပေါင်းရင်းမြစ်များ

Mateo 24:29

“Ne ketà ke egkeipus en arà ne menge hewii te kemeresayan,” ke si Hisus, “ ‘Ne ebmerusirem ke andew, ne kenà en edsilà ke vulan, ne ebpengeulug ke menge bituen genat te langit, ne egkeparin en dut te netehuan din ke edtenuran ne menge bituen.’

Mateo 27:45

Ne ketà te neudtu en ke andew ne mibmerusirem en ke tivuuk ne kelibutan lusud te tetelu ne uras.

Marcos 13:24

“Ne ebpeketundug be ketà te egkeipus ke hewii te kemeresayan,” ke si Hisus, “‘Ne ebmerusirem ke andew, ne kenà en edsilà ke vulan,

Lucas 21:25

Ne migkahi en maa si Hisus te, “Duen egkekita niyu riyà te andew, bulan, wey bituen ne menge tuus. Ne kayi te ampew te dunya ne egkekiyab se atey te menge etew rut te egkerineg dan ke ebpekesahad ne egkenegkeneg ne rahat wey ke ebpeteltelukuney ne baleg.

Nenged-ulaula 2:19

Ne ruen ulaula ne mekegeyip ne ibpekita ku diyà te langit wey mekeinuinu ne ed-ul-ulaan ku kayi te tanà, su ruen egkekita ne lengesa, apuy, wey mekepal ne evel.

Nenged-ulaula 2:21

Ne ketà ne hewii ne piya engkey ne etew ne ebpeiruiru se egkahi te, “Ipelihaun a te menge salà ku, Kerenan,” ne egkepelihaun dut te keberedusaan din.’

1 Kurintu 5:5

Ne egenat te gehem ni Hisu Kristu ne keniyan en te keniyu, ne ibpeawà niyu en ayan ne etew su apey edresayen ni Setanas ke datù te pekaid su apey ebpekedsendit dut te salà din ne ebpekeliyu ke mekatù din ketà te hewii ne kedlived ni Hisu Kristu te egkukum.

1 Tiselunika 5:2

Su netuenan niyu en te egketekew se Hewii te kebpekeuma rut te Kerenan tew iring dut te kebpekeuma te tekawen te merukilem ne kenà egketuenan.

2 Pedro 3:10

Ugaid ne benar iya ne edlived ke Kerenan tew ne si Hisu Kristu kayi. Ne ketà te Hewii te Kedlived Din ne egketekew ke menge etew su iring te kebpekeuma te tekawen ne kenà egketuenan. Ne egkerineg dan te dekelà ne edriyubriyub, ne ketà dà ne egketunag en ke langit dut te apuy wey ke langun ne egkekita ketà ne egkeamin-amin egketutung. Iring din ded dema ke tanà wey ke langun ne egkekita kayi ne egketutung en.

2 Pedro 3:7

Ne kayi te Lalag te Eleteala rema ne ebpesebutan din te ebpeiseg pà ini se langit wey tanà ne egkekita ta guntaani taman te edereetan din ketà te akir din ne hewii, ugaid ne kenà wayig su apuy se idsuhù din ne ederaat. Ne edereetan din iya ke menge etew ne ed-ulaula te meraat, ne idtehaad din dà ke ebpekeuma ke hewii te kegkukum din kandan.

Imperayag 16:8

Na ini se ikeepat ne suluhuen te Eleteala ne mid-ulaan din diyà te andew ke idrasey ne netahù te lediyà din. Tembù be mibmèmeinit nevenar ke andew ne ebpeketutung dut te menge etew.

Imperayag 6:12

Ne nekita ku ne in-awà dut te Nati te Bilibili ke ikeenem ne tuus ne impereket dut te midlulun ne kelatas. Ne netekew ne midlinug te mevaher, ne mibmeitem ke andew iring dut te saput ne meitem, ne mibmerihà ke bulan iring te lengesa.