Nenged-ulaula 19:6 - Ke meupiya ne tudtul mekeatag ki Hisu Kristu

⁶ Ne ketà te indampen ni Pablo ke belad din kandan ne midlumun kandan ke Kedesenan ne Ebpetuntul te Menusiyà ne nekelalag dan te menge kinehiyan ne kenà kandan wey impayag dan arà se impesabut kandan te Eleteala.

Nenged-ulaula 19:6 ပူးပေါင်းရင်းမြစ်များ

Marcos 16:17

Ne ke menge etew ne ebperetiyaya kediey ne egkevehayan ku te gehem su apey ran ebpekevaal te mekegeyip. Su kayi te gehem ne ibehey ku kandan ne ebpekegaga ran ne ebpenegseg te menge vusew, ne ebpekelalag dan te menge lalag ne kenà kandan ne kinehiyen;

Nenged-ulaula 19:7

Menge sepulù dan wey deruwa ne etew.

Nenged-ulaula 2:4

Ne mid-lumun kandan ke Kedesenan ne Ebpetuntul te Menusiyà ne nekelalag dan te menge kinehiyan ne kenà dan egketuenan ibpepevayà dut te gehem te Kedesenan ne Ebpetuntul te Menusiyà ne mibpelalag kandan.

Nenged-ulaula 6:6

Ne ini se nepemilì dan ne impeitindeg dan ne impekilala rut te menge kedserihan. Ne gewii ran te ebpengeningeni ne indampen dan ke menge belad dan dut te nepemilì dan su ebuyù dan te ebpeneuven dan te Eleteala.

Nenged-ulaula 9:17

Ketà ne mid-ipanew en si Ananias. Nekeuma rà ne mibpemenayik en diyà te baley ne midampen din en si Saulo te migkahi, “Saulo, sikew se suled ku. Impepengkayi a rut te Kerenan tew ne si Hisus ke mibpekitakita keykew diyà te ralan te kebpengkayi nu te ini ne inged. Impepengkayi a su apey ka ebpekekita en maa, wey egkelumunan ka rut te Kedesenan ne Ebpetuntul te Menusiyà.”

1 Timoteo 5:22

Ne embiya ruen edtenduen nu ne ebpepeneheewiten nu rut te menge mibperetiyaya, ne kenà ka ed-una edampen kandin taman te kenà nu egkepeniyap se ulaula rin. Su embiya ruen ulaula rin ne meraat ne nerampen nu sikandin, ne ebpekeunung ka te salà din. Tembù be uram ka ke ebpekeamung ka rut te salà.

2 Timoteo 1:6

Tembù be egkehiyen ku keykew te pegelepi nu te egamit arà se ketau te ebpeneheewit te menge mibperetiyaya ne imbehey te Eleteala kenikew ketà te kinerampen ku keykew.