Nenged-ulaula 18:7 - Ke meupiya ne tudtul mekeatag ki Hisu Kristu

⁷ Mid-awà ketà si Pablo dut te baley ne ebpengedian te menge Hudiyanen te penduan dan ne diyà mid-ubpà te baley te senge etew ne kenà Hudiyanen ne si Tito Justo ne ebpengarap dema te Eleteala. Ini se baley rin ne sepiring dut te baley ne ebpengedian te menge Hudiyanen.

Nenged-ulaula 18:7 ပူးပေါင်းရင်းမြစ်များ

Juan 9:31

Netuenan tew te kenà ebpemineg ke Eleteala rut te etew ne belisalà, ugaid ne iyan din ebpeminehen ke etew ne ed-adat kandin wey edtuman te kiyug din.

Nenged-ulaula 10:2

Si Cornelio ini ne mepegeleteala ne langun dan te telteleanak ne mibpengarap te Eleteala. Ne dekelà se tavang din dut te menge Hudiyanen ne ayuayu wey layun ebpengeningeni sikandin te Eleteala.

Nenged-ulaula 10:22

Midtavak dan te, “Impepengkayi key rut te Kepitan ne si Cornelio. Metidtu ne etew sikandin ne ebpengarap te Eleteala wey ed-edatan sikandin dut te langun ne menge Hudiyanen. Ne ruen suluhuen te Eleteala ne migkahi kandin te ibpeangey ka, Simon Pedro, su apey mekerineg sikandin dut te ibpesabut nu.”

Nenged-ulaula 13:42

Nekeipus si Pablo te edlalag ne gewii te edlihawang dan en ki Bernabe dut te baley ne ebpengedian te menge Hudiyanen te penduan dan, ne migkehiyan dan dut te menge etew te medlived dan te edtundug ne Hewii ne Id-imeley su apey ran mekeuman mekepesabut mekeatag te ini.

Nenged-ulaula 13:43

Ne guna su midlihawang en ke menge etew ne nevurun ketà, ne ruen midtundug ki Pablo wey si Bernabe. Ini se midtundug kandan ne menge Hudiyanen wey kenà Hudiyanen ne midruyud te peretiyaya te menge Hudiyanen. Ne migkehiyan dan ni Pablo wey si Bernabe te mibag-et dan ke hinawa ran te kenà dan medlekà dut te kebperetiyaya ran te Eleteala ne midlimù kandan.

Nenged-ulaula 13:50

Ugaid ne migkehiyan dut te menge Hudiyanen ke menge unuten wey ke menge egkeedatan ne menge meritan ne kenà Hudiyanen ne ebpengarap te Eleteala se ebaal te igkeepesi su apey ran ebpekesekiti si Pablo ki Bernabe. Ketà ne impeawà dan arà se deruwa rut te inged dan.

Nenged-ulaula 16:14

Ne seveka rutun te menge meritan ne ebpemineg te lalag dey ne ed-ingaranan ki Lydia ne riyà ebpuun te inged ne Tiyetira ne ebpemendehang te saput ne mehuridtem. Mibpengarap te Eleteala ini se meritan, tembù be imbehey rin te Kerenan ke hinawa rin te kedtelimà te ibpesabut ni Pablo.

Nenged-ulaula 17:4

Ne ruen duma ne menge Hudiyanen ketà ne mibperetiyaya rut te lalag ni Pablo ne mibpekiduma kandan ki Silas. Ne merakel dema se mibperetiyaya ne menge Gerisiyanen ne mibpengarap te Eleteala, elin ne nekeperetiyaya ne menge meritan ne egkeedatan dutun ne inged.

Kulasi 4:11

Si Josue ini se ed-ingaranan dema ki Jestis ne ebpenginginsà dema keniyu. Kayi te langun ne Hudiyanen ne mibperetiyaya kayi ne ini rà se tetelu, si Aristarkus, si Marcos, wey si Josue se midtavang kedì te ebpesabut mekeatag te Edetuan te Eleteala. Ne nehalew se hinawa ku kayi te dekelà ne tavang dan.