Nenged-ulaula 16:34 - Ke meupiya ne tudtul mekeatag ki Hisu Kristu

³⁴ Ne rutun ne miduma rin en si Pablo ki Silas diyà te baley rin wey pinekaan din. Ne sikandan se telteleanak ne nehalew nevenar su mibperetiyaya ran en te Eleteala.

Nenged-ulaula 16:34 ပူးပေါင်းရင်းမြစ်များ

Lucas 15:32

Ugaid ne iyan din kemeyidan ne egalewhalew ki, su ini se ari nu ne iring iya te minatey en, ne guntaani ne neuyag maa. Su iring te nelaag en, ne guntaani ne mid-ulì ded.’”

Lucas 19:6

Arà dà ne midahurahu midurus si Sekiyu ne migalàhalà din si Hisus.

Lucas 5:29

Ne senge hewii ne mibair si Levi te kevurunan diyà te baley rin su ed-inggaten din si Hisus. Merakel se midtelavuk, ne menge ruma ni Levi ne ebpevayad te buwis wey merakel pà ne etew rema se mibpengaan ne ruma ran.

Nenged-ulaula 11:14

Su sikandin ne ruen ibpesabut din keniyu ne ebpekepeliyu keykew wey langun niyu ne telteleanak dut te kedusa te Eleteala te salà niyu.’

Nenged-ulaula 16:15

Ketà ne mibunyahan sikandin abpeg ke menge emurà din dutun te valey rin. Ne migkehiyan key rin te, “Embiya birang te itungan niyu ne benar se peretiyaya ku ki Hisus ne Kerenan ne diyà kew ubpà te baley ku.” Ne warà key rin ewai ne ketà ne mibpendiyà key en.

Nenged-ulaula 16:35

Guna su meselem en ne duen midsuhù te menge egkeunuten ne Rumanu ke menge mepurù te pulis se egkahi te, “Ibpelihawang nu en ayan se menge etew.”

Nenged-ulaula 2:46

Uman gewii ne langun dan ne eburun diyà te Nekebpuru ne valey te Eleteala. Ne egkeseveka ran lavew ne egkaan diyà te menge valey ran, ne mehalew nevenar se hinawa ran, ne mibehey ran te ruma ran te lila ne hinawa ran.

Nenged-ulaula 8:39

Guna su migaun dan en ne netekew te neawà si Felipe dut te Kedesenan ne Ebpetuntul te Menusiyà. Warà en mekita dut te meama, ugaid ne midlaus en ini se meama ne mehalew nevenar.

Ruma 15:13

Ne ke Eleteala se ebpuunan te langun ne keupianan ne ebpenerengen tew, ne kiyug ku ne menu ma ke mevehayi kew nikandin te rekelà ne kehelawan wey ke kebmelintad te hinawa niyu. Su embiya iring ketà se egked-ulaula, ne ke kedsarig niyu kandin mekeatag te ebpenerengen niyu ne ebmevag-et riyà sabap dut te gehem te Kedesenan ne Ebpetuntul te Menusiyà.

Ruma 5:11

Ne kenà ketà dà taman, su rekelà se kegkehalew tew mekeatag dut te pengelimuan te Eleteala ne impekita rin keytew te kinepatey ni Hisu Kristu ke Kerenan tew, su sikandin ke ralan te imped-ulit ki diyà te etuvangan te Eleteala.

Ruma 5:2

Su sabap dut te kebperetiyaya tew ki Hisus ne netelimà tew en ke tavang te Eleteala te in-ulug din ke raat te nanam din keytew. Ketà be ne egkehalew ki su ruen ebpenerengen tew ne hewii ne ebpekeamung ki red te Eleteala riyà te ed-ubpaan din ne kenà igkeupama se keupiya rin.

Gelasiya 5:22

Melemu tew rema ne egkekilala ke ulaula te etew ne egkepeneheewit dut te Kedesenan ne Ebpetuntul te Menusiyà. Su ke etew ne egkepeneheewit te Kedesenan ne Ebpetuntul te Menusiyà ne melimù te ruma rin, mehalew sikandin, melintad se hinawa rin, metigker te ruma rin, metiyakapen te ruma rin, metulanged te ruma rin, egkeserihan te ruma ne etew,

Pilipus 4:17

Kenà iyan ku kineravit dut te tavang niyu kedì ne egnganey e pà lavew keniyu, ugaid ne iyan ku igkehalew dut te tavang niyu ne arà se idtendan te Eleteala ne ibehey keniyu riyà te surugà.

Pilipus 4:4

Ne layun kew mebmehalew su atag dut te mibpekidseveka kew ki Hisu Kristu ke Kerenan tew. Ne egkesulit ku pà maa te egkahi te layun kew mebmehalew.

Filemon 1:7

Su ketà te nerineg ku mekeatag te limù nu, Filemon, dut te menge ruma nu, ne nehalew a nevenar wey ke hinawa ku ne neegaran su midtihel nu kun ke hinawa rut te langun ne mibperetiyaya.

1 Juan 3:18

Menge anak ku, ini se ralan te kebpekita ta te limù ta kayi te menge ruma ta ne kenà kayi rà te lalag ne egemew te bèbà ta, ugaid ne kayi te kedtavang ta kandan ne egenat te limù ta.