Nenged-ulaula 13:6 - Ke meupiya ne tudtul mekeatag ki Hisu Kristu

⁶ Neeneb dan ini se punul ne Sipri egenat te inged ne Selamis taman te inged ne Papus. Ketà ne neuma ran ini se etew ne ed-ingeranan ki Barhisus ne metau ne ebaal te malik mata. Hudiyanen ini ne uvag kun ne ebpelambas te Lalag te Eleteala.

Nenged-ulaula 13:6 ပူးပေါင်းရင်းမြစ်များ

Mateo 16:17

“Mibpenaub ka, Simon ne anak ni Juan!” ke si Hisus. “Su benar ini se migkahi nu, ugaid ne kenà etew se mibpayag kayi te kenikew su ke Amey ku riyà te langit.

Mateo 24:24

Su ruen ebpenlepew ne menge etew ne engkungkun te sikandan ke Impasad te Eleteala ne Ebperetuen etawa sikandan ke ebpelambas te Lalag te Eleteala. Ne ebpekita ran te mekegeyip ne ed-ul-ulaan su apey ran perem meekali ini se menge etew ne mibpemilì te Eleteala.

Mateo 7:15

“Uram kew dut te menge etew ne engkungkun ne ebpelambas te Lalag te Eleteala. Su ebpendiyà dan te keniyu ne iring te paras te bilibili ne meamuk, ugaid ne riyà te hinawa ran ne iring dan te mewalew ne asu ne ebpekekaid.

Marcos 10:46

Nekeuma en si Hisus wey ke menge edumdumaan din diyà te Hiriku. Ne guna su ed-awà dan en ne merakel ne menge etew se mibpenduma kandan, ne kayi te kelid te ebpevayaan dan ne ruen meama ne pisek ne ebpinpinuu su ebpemuyù ne ed-ingaranan ki Bertimeo, anak ni Timiyu.

Nenged-ulaula 13:13

Mid-awà ensi Pablo ketà te inged ne Papus ne mid-untud dan te kapal te ebpependiyà te inged ne Pirga lusud te inged ne Pempilya. Nekeuma ran ne si Juan ne ed-ingaranan dema ki Marcos ne midsuwey kandan su midlivid sikandin diyà te Hirusalim.

Nenged-ulaula 13:8

Ugaid ne mibelavag kandan ini se metau ne ebaal te malik mata ne ed-ingeranan ki Barhisus ne ed-ingeranan ded maa ki Elimas (su ini se ngaran din dut te kinehiyan ne Gerisiyanen) su kiyug din ne kenà ebpekeperetiyaya ke gubinedur ki Hisus.

2 Kurintu 11:13

Ayan se menge etew ne egkahi te kedserihan dan ni Hisu Kristu ne kenà benar. Egkehiyen dan ne si Hisu Kristu se midsuhù kandan, ugaid ne ed-akal dan keniyu su uvag kun te kedserihan dan ni Hisu Kristu.

2 Timoteo 3:8

Ne ini se ebpemenurù te kenà metidtu ne iyan den dà kebpenurù ne edlantung dan dut te benar ne penurù iring ki Iyanis wey Iyanbiris dengan te midlantung ki Moises. Su langun dan ne nelayam en te itungan ne meraat, ne ke sarig dan ne warà ebuwatan din.

1 Juan 4:1

Menge suled ku ne igkelimù ku, kenà kew peretiyaya dut te langun ne egkahi ne impekahi ran kun te Kedesenan ne Ebpetuntul te Menusiyà. Ugaid ne perisaan niyu pà ke ebpenurù dan apey niyu metueni ke riyà be ebpuun ini te Eleteala etawa kenà. Su merakel se midlepew kayi te ampew te dunya ne uvag kun te ebpelambas sikandan te Lalag te Eleteala.

Imperayag 19:20

Guna su mibpekibunù dan ne nesigkem arà se mekeandek ne binatang wey arà se mibpelambas te tarù ne lalag ni Setanas ke datù te pekaid, arà se mibaal te mekegeyip ibpepevayà dut te gehem te mekeandek ne binatang. (Su kayi te arà se ulaula rin ne mekegeyip, ne nelimbungan din ke langun ne menge etew ne netiyapan dut te mekeandek ne binatang wey langun ne menge etew ne mibpengarap dut te ledawan iring te paras din.) Ketà ne in-antug te biviyag pà arà se mekeandek ne binatang wey ke ebpelambas ki Setanas diyà te apuy nerakà ne egkeregreg ne sendawà.