Nenged-ulaula 11:26 - Ke meupiya ne tudtul mekeatag ki Hisu Kristu

²⁶ Guna su netuen din, ne mid-ewit din te ed-ulì diyà te inged ne Antiyuka. Ne lusud te senge rahun ne mid-ubpà dan duma dut te menge mibperetiyaya kayi te inged ne Antiyuka wey merakel se mibpenurù dan. Ne kayi te inged ne Antiyuka ne ke menge mibperetiyaya ki Hisus ne arà ke neuna ne mid-ingaranan te Kristiyanu.

Nenged-ulaula 11:26 ပူးပေါင်းရင်းမြစ်များ

Mateo 28:19

Na, pendiyà kew te langun ne menge etew kayi te ampew te dunya ne penurua niyu sikandan ke memenu se kebpesakup dan kediey. Ne pembunyahi niyu ke menge etew ne ebpesakup kediey te tuus te keduma ran te Eleteala, wey siaken ke Anak din, wey ke Kedesenan ne Ebpetuntul te Menusiyà.

Juan 2:2

Ne ketà dema si Hisus wey ke edumdumaan din su neinggat dan te edtelavuk ketà te kewingan.

Nenged-ulaula 1:15

Senge hewii ketà ne ruen kevurunan te menge mibperetiyaya ne menge mehatus dan wey deruwa nepulù se miburun, ne mid-itindeg si Pedro se edlalag.

Nenged-ulaula 11:20

Duen pà duma ne menge mibperetiyaya ne riyà ebpuun te inged ne Sipri wey Sirini ne mibpendiyà te Antiyuka ne mibpenudtulan dan ke menge etew ne kenà Hudiyanen dut te Meupiya ne Tudtul mekeatag ki Hisus ke Kerenan.

Nenged-ulaula 11:22

Ne nerineg ini se tudtul dut te menge mibperetiyaya diyà te Hirusalim, ne midsuhù dan si Bernabe diyà te Antiyuka.

Nenged-ulaula 11:27

Ketà ne hewii, ne ruen ebpuun te Hirusalim ne menge ebpelambas te Lalag te Eleteala ne mibpendiyà te Antiyuka.

Nenged-ulaula 11:29

Ne netahù te itungan dut te menge edumdumaan ni Hisus te ebehey ran te tavang diyà te menge suled dan te ebperetiyaya ki Hisus diyà te inged ne Hudiya te endei rà taman se egkegaga te uman seveka.

Nenged-ulaula 14:20

Ugaid ne guna su nevurun ke menge mibperetiyaya ne midlingut kandin, ne mid-enew sikandin ne midlived ketà te inged. Ne ketà te hewii ne edtundug ne mid-awà si Pablo ki Bernabe su mibpendiyà dan te inged ne Dirbi.

Nenged-ulaula 14:22

Ketà ne menge inged ne impenurù dan se ibpeiseg ke keduma dut te langun ne menge mibperetiyaya ki Hisus ne mibag-et dan ke hinawa dut te menge etew te kenà medlekà dut te peretiyaya ran. Su impesabut dan te, “Ebpevayà ki pà iyan te menge kemerehenan te kenà ki pà ebpekelusud dut te Edetuan te Eleteala,” ke sikandan.

Nenged-ulaula 14:23

Ne ketà te langun ne inged ne impesabut ni Pablo ke Lalag te Eleteala ne ruen menge mibperetiyaya ne midtendù eni Pablo ne menge pekilukesen. Ketà ne midlimpas dan te egkaan wey mibpengeningeni ran te Eleteala wey inrumakan dan diyà te Kerenan ne iyan edtuganur kandan arà se midserihan dan.

Nenged-ulaula 14:27

Guna su nekeuma ran en diyà te inged ne Antiyuka, ne miburun dan ke menge mibperetiyaya ki Hisus ne mibpenudtul dan arà se langun ne impehelevek kandan impepevayà te tavang te Eleteala kandan. Ne miguhud dan lavew ke petiralan te Eleteala te ibpesabut ke Meupiya ne Tudtul diyà te menge etew ne kenà Hudiyanen ne ketà ne merakel se mibperetiyaya ki Hisus.

Nenged-ulaula 14:28

Ne neuhet se ked-ubpaubpà dan diyà dut te menge mibperetiyaya te inged ne Antiyuka.

Nenged-ulaula 18:27

Ne ketà ne netahù te itungan din se ebpendiyà te inged ne Gerisiya. Ne midtevangan sikandin dut te menge mibperetiyaya diyà te inged ne Ipisu su midsuratan dan arà se menge mibperetiyaya ne riyà te Gerisiya se ebuyù te egelhelawen dan sikandin. Guna su nekeuma sikandin diyà te Gerisiya, ne ruen mibperetiyaya ki Hisus su atag te kegkeyru te Eleteala kandan, ne dekelà se neketavang din kandan dut te kebpenurù din.

Nenged-ulaula 19:9

Ugaid ne ruen duma ne meresen se ulu rin ne kenà ebperetiyaya, ne midlalag te meraat mekeatag te penurù te Kerenan tew diyà te etuvangan te menge etew ne nevurun ketà. Dutun ne mid-awà si Pablo kandan ne miduma rin ke menge mibperetiyaya ki Hisus ne uman gewii ne ebpenurù sikandin dut te menge etew riyà te sungkù te baley ne ebpenuruan ni Tiranu.

Nenged-ulaula 20:1

Guna su neengked en ke nehuvut, ne miburun ni Pablo ke menge mibperetiyaya ki Hisus ne mibpesabut din su apey mevag-et ke kebperetiyaya ran. Ne ketà ne mibpemehetew sikandin ne migenat en se ebpendiyà te inged ne Mesidunya.

Nenged-ulaula 20:30

Egkeuma se hewii ne misan menge ruma niyu red ne edlalag te tarù su apey ruen menge mibperetiyaya ne mekeruma kandan.

Nenged-ulaula 21:4

Ne rutun ne ruen menge mibperetiyaya ne nevalak dey ne mid-ubpà key riyà te kandan lusud te senge pedian. Ne ruen impayag kandan dut te Kedesenan ne Ebpetuntul te Menusiyà ne egketemanan ni Pablo, ne migkahi ran kandin te kenà sikandin ibpelaus diyà te inged ne Hirusalim.

Nenged-ulaula 26:28

“Kalu ke iyan nu egkepegitung,” ke si Datù Egeripa, “ne mehaan a ebpekeruma te kebperetiyaya ki Hisus.”

Nenged-ulaula 6:1

Ketà te arà ne hewii te ed-iseg-iseg en ke kerakel dut te menge mibperetiyaya ki Hisus, ne ruen nevaluy ne kewehaan dan dut te teleinged ne menge Hudiyanen ne Hibruwanen se kinehiyan din wey ke menge Hudiyanen ne Gerisiyanen se kinehiyan din. Iyan migkahi dut te menge Hudiyanen ne Gerisiyanen se kinehiyan din ne kenà egkevehayan ke menge balu ne meritan te kureta ne ed-um-umunen dan te uman gewii.

Nenged-ulaula 6:5

Nerineg dan ini se menge lalag dut te menge kedserihan ne nesuatsuat ke langun ne nevurun ketà. Ne mibpemilì dan en si Esteban su ini ne etaw ne dekelà se kebperetiyaya rin wey midlumunan dut te Kedesenan ne Ebpetuntul te Menusiyà. Ne ke ruma ne mepemilì dan dema ne si Felipe, si Procuru, si Nicanor, si Timun, si Parmenas, wey si Nicolas ne riyà ebpuun te Antiyuka. Si Nicolas ini ne kenà Hudiyanen, ugaid ne nekeruyud sikandin dut te tuluuwen dut te menge Hudiyanen.

Nenged-ulaula 9:19

Ne migkaan en ne nekeulit en ke baher din. Ne mid-ubpà pà si Saulo duma dut te menge edurumaruma ki Hisus kayi te inged ne Demasku taman te nekebpipira ne hewii.

Nenged-ulaula 9:38

Ne ini se inged ne Hupa ne kenà meriyù dut te inged ne Lida. Guna su nerineg dut te menge mibperetiyaya ketà te inged ne Hupa te riyan en si Pedro te inged ne Lida, ne ruen deruwa ne meama ne midsuhù dan ne ebpendiyà se ebpenudtul kandin te, “Gaangaan ka pengkayi.”

1 Kurintu 11:18

Su nerineg ku ne matag kew egkevurunburun, ugaid ne ke hinawa niyu ne ebpemekedsurang. Ne ruen ebperetiyaya ku ketà. (

1 Kurintu 12:12

Embiya ebpegitungen ta mekeatag te lawa te etew, ne misan merakel se pepatà dut te lawa ugaid ne seveka rà ke lawa su langun ne pepata ne amung dut te seveka ne lawa. Ne engketà ded dema ke langun ne mibperetiyaya ki Hisus su iring ki te pepatà te lawa rin, ne misan merakel kiyu ne nevaluy ki ne seveka rà ki Hisus.

1 Kurintu 14:23

Tembù be embiya egkevurunburun kew ke langun ne mibperetiyaya ki Hisus ne iyan niyu edlelahen ke kinehiyan ne kenà egkesebutan ne ruen duma ketà ne kenà ebperetiyaya, ne iyan dan pegitungan ne ebpengevuneg kew su warà dan mesebuti.

1 Kurintu 4:17

Tembù be midsuhù ku si Timoteo keniyan te keniyu. Iring sikandin te tidtu ne anak ku kayi ebpuun te kebperetiyaya rey ki Hisu Kristu. Egkeserihan din kayi te keduma rin te Kerenan tew, tembù be midsuhù ku sikandin su ebpetentenuran din keniyu ke engkey se ed-ul-ulaan te keduma ku ki Hisus, ne ini ke ibpenurù ku te menge mibperetiyaya te misan endei a ebpesinaru ne inged.

Ipisu 3:15

Su sikandin ke ed-ingeranan te Amey su sikandin ke ebpuunan dut te langun ne kayi te ampew te dunya wey ke riyà te langit.

Santiago 2:7

Ne sikandan se ebpenlalag te meraat mekeatag ki Hisu Kristu ke Kerenan tew ne igkelimù tew.

1 Pedro 4:14

Ne embiya edsudian ki su sabap dut te keduma ta ki Hisu Kristu ne tuus arà te kayi en te keyta ke Kedesenan ne Ebpetuntul te Menusiyà ne iyan ke raman te Eleteala, tembù be egkehalew ki.

1 Pedro 4:16

Ugaid ne embiya ke keduma ta ki Hisus se puunan te igkerasey ta, ne kenà ta igkeyeyai. Ugaid ne edeyù ki te Eleteala su sikandin ke mibpebaluy keyta ne menge etew ne mibperetiyaya ki Hisu Kristu.

1 Juan 2:27

Ugaid ne sikiyu, ne midtelimà kew en dut te Kedesenan ne Ebpetuntul te Menusiyà ne keniyan ded te keniyu. Tembù be kenà kew ebpekepemengà te ebpenurù keniyu su sikandin ne keniyan ded te keniyu se ebpenurù keniyu te langun ne egkiyuhan te Eleteala ne ebpesebutan keniyu. Ne iyan din ibpenurù ne kenà tarù ugaid ne tidtu nevenar. Tembù be dumai niyu ini se ibpesabut din keniyu su apey kew ebpekidseveka ki Hisu Kristu.

Imperayag 3:18

Tembù be ibpemandù ku keniyu ne pemesaa niyu kayi te kedì ini se tidtu ne bulawan ne intuug diyà te apuy ne in-upama te kebperetiyaya niyu kediey su apey ke kegkewasa niyu ne benar. Ne pemesaa niyu rema kayi te kedì ini se meputì ne belegkas su apey ibevelegkas niyu ne egkeawà ke kegkeyeyai niyu te nekegkedew. Ne pemesaa niyu rema kayi te kedì ini se bawì te mata su apey ibawì te mata niyu ne ebmerayag se kedtengteng niyu.