Nenged-ulaula 10:34 - Ke meupiya ne tudtul mekeatag ki Hisu Kristu

³⁴ Migkahi si Pedro te, “Netuenan ku en ne benar te warà misan engkey ne etew ne ibpeuna te Eleteala

Nenged-ulaula 10:34 ပူးပေါင်းရင်းမြစ်များ

Mateo 22:16

Ne ruen en midsuhù dan diyà te ki Hisus ne menge edumdumaan dan wey menge sakup ni Hirudis. “Meyterù,” ke sikandan, “netuenan dey te edlalag ka te benar. Ne ibpenurù nu ke benar mekeatag te kiyug te Eleteala rut te menge etew. Ne kenà ka egkepeneheewit dut te lalag te menge etew su warà etew ne ebpelebiyen nu.

Mateo 5:2

Ne mibpenurù din sikandan se egkahi te,

Lucas 20:21

Migkahi ini se menge etew ne edsirib ki Hisus te, “Meyterù, netuenan dey te langun ne egkehiyen nu wey langun ne penurù nu ne metidtu nevenar. Ne warà ebpelebiyen nu ne etew, ugaid ne ebpenurù ka te benar dut te kiyug te Eleteala ne ed-ul-ulaan tew.

Nenged-ulaula 10:33

Arà dà iya ne impeangey ku en sikuna ne meupiya su migkiyug ke red ne ebpengkayi. Na guntaani,” ke si Cornelio, “ne langun dey ini ne nevurun kayi te etuvangan te Eleteala su ebpemineg key te langun ne ibpekahi te Kerenan keykew se ebpesabut kenami.”

Nenged-ulaula 15:9

Warà pebiraa te Eleteala,” ke si Pedro, “ke sikami ne menge Hudiyanen wey ke menge etew ne kenà Hudiyanen su ibpeliyu rin dema sikandan dut te kedusa rin te salà dan sabap dut te kineperetiyaya ran ki Hisus.

Nenged-ulaula 8:35

Ketà ne midlalag si Felipe, ne igenat te arà ne nekesurat ne Lalag te Eleteala ne nevasa dut te meama ne impesabut en ni Felipe kandin ke Meupiya ne Tudtul mekeatag ki Hisus.

Ruma 2:11

Su ke Eleteala ne warà pinedlabi rin dut te kegkukum din te menge etew.

Ruma 3:29

Kalu ke egkahi kew te ke Eleteala ne Eleteala rà dut te menge Hudiyanen ne kenà dut te kenà Hudiyanen. Kenà benar! Su sikandin dà ke Eleteala rut te langun ne menge etew, Hudiyanen sikandin etawa kenà.

Gelasiya 2:6

Wey merineg dut te menge unuten te mibperetiyaya en ki Hisus arà se penurù ku, ne warà insawey ran. Ugaid ne misan sikandan se ibpeitindeg ne egkeunuten diyà te menge ruma ran, ne netuenan ku ne riyà te etuvangan te Eleteala ne warà ebiraan din su warà ibpelabi te Eleteala te ruma.

Ipisu 6:9

Ne sikiyu rema ne ruen edsugsuhuen din, ne iring ded dema ketà se ul-ulaa niyu dut te edsugsuhuen niyu. Kenà kew ebpeliandek kandan su netuenan niyu te seveka rà ke Eleteala riyà te langit ne Kerenan niyu abpeg ded dut te edsugsuhuen niyu. Ne sikandin ne warà ibpeuna rin.

Kulasi 3:11

Ke langun tew ne mibperetiyaya ne warà biraan din diyà te etuvangan te Eleteala, Hudiyanen sikandin etawa kenà Hudiyanen, neetusan sikandin etawa warà, nekepengadì sikandin etawa warà nekepengadì, uripen sikandin etawa kenà uripen. Su langun tew ne mibperetiyaya ki Hisu Kristu ne mibpekidseveka kiyu kandin, ne sikandin se ed-ubpà kayi te keytew.

Kulasi 3:25

Ne piya engkey ne ed-ulaula te meraat, ne egkesabpet din ded su riyà te Eleteala ne warà ibpeuna rin dut te kegkukum din te menge etew.

Santiago 2:1

Menge suled, sikiyu ne mibperetiyaya en ki Hisu Kristu ke Kerenan tew ne mepmepurù, ne kenà meupiya ne ke ked-elit-elit niyu te langun ne menge mibperetiyaya ne kenà megidsan misan ayuayu etawa kewasa.

Santiago 2:4

na embiya ini se ed-ul-ulaan niyu, ne meraat arà su ke ked-elit-elit niyu te menge ruma niyu ne mibperetiyaya ne warà meked-iring su kunaan niyu ke kewasa ne etew ne iyan pà belielehà dut te ayuayu. Ne ini se mid-ulaula niyu ne ebpuun arà te meraat ne itungan niyu.

Santiago 2:9

Ugaid ne embiya iyan niyu ed-el-eliten ne ke kewasa ne etew, ne ke ayuayu ne warà niyu el-elita, ne nekedsalà kew ne egkesuhat kew te kedusa te Eleteala su nekerimpas kew rut te penduan din.

1 Pedro 1:17

Ne embiya egkehiyen ta ne Eleteala ke Amey tew ketà te kebpengeningeni tew ne iyan iya se meilut se ked-edati ta kandin taman te ini ki pà te ampew te dunya. Su metidtu se kegkukum din, ne edtuntul te langun ne ed-ul-ulaan tew ne warà ibpelabi rin.