Nenged-ulaula 1:13 - Ke meupiya ne tudtul mekeatag ki Hisu Kristu

¹³ Nekeuma ran diyà te Hirusalim ne mid-ulì dan diyà te sungkù dan diyà te divavew ne mid-ubpaan dan. Mesì dan ini ne si Pedro, si Juan, si Santiago, si Andres, si Felipe, si Tomas, si Bartolome, si Mateo, si Santiago ke anak ni Alfeo, si Simon ke Patriat (ne iyan din meana ne diralem se lengesa rin dut te inged din), wey si Hudas ke anak ni Santiago.

Nenged-ulaula 1:13 ပူးပေါင်းရင်းမြစ်များ

Mateo 9:9

Ne mid-awà en si Hisus ketà, ne gewii rin te ed-ipanew ne nekita rin ke senge etew ne meama ne ebpevayad te buwis ne ed-ingaranan ki Mateo ne ebpinuu riyà te upisinà din. Ne migkehiyan ni Hisus sikandin te, “Duma ka kediey.” Arà dà ne mid-itindeg si Mateo ne miduma en kandin.

Marcos 14:15

Ne ketà ne ibpekita rin keniyu ke meluag ne ruhu diyà te ikeruwa ne pangkat ne saag ne nepegediran en, ne ketà kew be pegatur te idlavung tew.”

Marcos 14:33

Ne miduma rin si Pedro ki Santiago wey ki Juan diyà te unaan. Ne nemutu nevenar sikandin wey nerurunù ke hinawa rin.

Marcos 2:14

Guna su nekeipus sikandin se ebpenurù ne midlaus en sikandin se ed-ipanew, ne gewii te ked-ipanew rin ne nekita rin ke senge etew ne meama ne ebpevayad te buwis ne si Levi, ke anak ni Alfeo, ne ebpinuu riyà te upisinà din. Ne migkehiyan din en te, “Duma ka kediey.” Arà dà ne mid-itindeg si Levi ne miduma en kandin.

Marcos 5:37

Arà dà ne iyan din dà pineruma kandan ki Jairo ne si Pedro, wey ke teleari si Santiago ki Juan.

Marcos 9:2

Guna su neked-enem en ne hewii, ne miduma en ni Hisus ensi Pedro, si Santiago wey si Juan ne midtekereg dan en te mehantur ne buvungan te sikandan dà. Guna su ketà dan en ne midtengtengan dan si Hisus ne netekew nedsalin ke paras din.

Lucas 22:12

Ne ketà ne ibpekita rin keniyu ke meluag ne ruhu diyà te ikeruwa ne pangkat ne saag ne pegediran en, ne ketà kew be pegatur te idlavung tew.”

Juan 11:16

Dutun ne senge etew ne edumdumaan din ne ed-ingaranan ki Tomas (ne mid-ingaranan dan dema te Seping) se migkahi riyà te menge ruma rin te, “Eduma kiyu kandin su apey ki ebpekeunung kandin te ebpatey.”

Juan 14:22

Migkahi en si Hudas (kenà si Hudas ne anak ni Simon Iskeriyuti) te, “Kerenan, ne meambe ke kayi ke rà ebpepayag te kenami ne kenà ka diyà ebpepayag dut te menge etew ne warà medtelimà keykew?”

Juan 18:17

Ne ketà ne mid-insà ke meritan ne ebantey te humawan ki Pedro te, “Maa, kenà ka senge etew ne edumdumaan keniyan te etew ne midsigkem?” Midtavak si Pedro te, “Kenà, kenà siak!”

Juan 21:2

Nengevurun ketà ensi Simon Pedro, si Tomas (ne ed-ingaranan te Seping), si Natanael (ne ebpuun te inged ne Kana lusud te Geliliya), ne elin dema ke deruwa ne anak ni Sibidiyu, wey ruen pà ketà deruwa ne edumdumaan ni Hisus.

Nenged-ulaula 12:17

Ne miguringan kandan te kenà dan pà medlalag, ne mibpenudtul din kandan ke memenu se kinepelihawang kandin te Eleteala diyà te bilengguan. “Penudtula niyu ini,” ke si Pedro, “diyà te ki Santiago wey ke ruma ne menge suled tew te ebperetiyaya.” Ne mid-awà sikandin ketà su mibpendiyà te senge inged.

Nenged-ulaula 15:13

Guna su nekeipus dan se edlalag ne migkahi en si Santiago te, “Pemineha niyu, menge suled, ini se egkehiyen ku.

Nenged-ulaula 2:14

Ketà ne mid-itindeg si Pedro elin ke menge ruma rin ne sepulù wey seveka ne kedserihan ne mibpekerahing te lalag din se egkahi te, “Sikiyu ne menge ruma ku ne Hudiyanen wey langun niyu ne menge etew kayi te Hirusalim, pemineha niyu ini se egkehiyen ku su ruen egkepenudtul ku keniyu.

Nenged-ulaula 2:38

Ne migkahi si Pedro te, “Engkeri niyu ke meraat ne ed-ul-ulaan niyu ne pebunyag kew, uman seveka keniyu, su tuus te mibpesakup kew en ki Hisu Kristu. Ne ebpeseharen te Eleteala ini se meraat ne ulaula niyu ne ke Kedesenan ne Ebpetuntul te Menusiyà ne ibpeubpà din kayi te keniyu.

Nenged-ulaula 20:8

Ne ruen merakel ne sulù diyà te sungkù te iketelu ne pangkat dut te baley ne nevurunan dey.

Nenged-ulaula 4:13

Ne guna su nekita rut te menge Perekukum te kenà egkeandek si Pedro wey si Juan ne edlalag ne negeyip dan su netuenan dan te mevavà se nepengedian kayi te deruwa su menge etew rà dè duen. Ne ketà ne netenuran dan te midumdumaan dan ni Hisus.

Nenged-ulaula 4:19

Ugaid ne migkahi si Pedro wey si Juan te, “Pegpegitunga niyu ke endei rapit te metidtu riyà te etuvangan te Eleteala te ebperumaruma key keniyu etawa ebperumaruma key te Eleteala.

1 Kurintu 15:7

Neipus arà ne diyan en maa mibpekita sikandin te ki Santiago, ne arà pà ne riyà te langun ne kedserihan din.

Gelasiya 1:19

Ne warà pà ruma ni Pedro te kedserihan ni Hisus ne nekita ku liyu te si Santiago ke ari ni Hisu Kristu ke Kerenan tew.

Gelasiya 2:9

Si Santiago, si Pedro wey si Juan, arà se menge unuten riyà te Hirusalim, ne netuenan dan ne ini se helevek ku ne insarig te Eleteala kedì. Ne neumpung key langun te siaken ki Bernabe ne riyà ibpepesabut ke Meupiya ne Tudtul te menge etew ne kenà Hudiyanen, ne sikandan se ebpepesabut dut te Meupiya ne Tudtul diyà te menge Hudiyanen. Ketà be ne mibpekemkemustaey key ne tuus te telteleduma key te edtuman te kiyug te Eleteala.

Santiago 1:1

Siaken ini se edsurat ne si Santiago. Sugsuhuen a te Eleteala wey ke Kerenan tew ne si Hisu Kristu. Edsuratan ku sikiyu, ke langun ne menge Hudiyanen ne mibperetiyaya ki Hisu Kristu ne nekesivurak kayi te ampew te dunya ne ebpenginginsà a keniyu.

2 Juan 1:1

Siaken se edsurat ini ne pekilukesen dut te menge mibperetiyaya ki Hisus. Ne idsurat ku ini riyà te keykew ne meritan ne nepemilì te Eleteala wey ke menge anak nu. Su rekelà ku sikiyu te hinawa, ne kenà siaken dà se rekelà se hinawa rin keniyu su langun ne nekesabut en dut te benar ne penurù mekeatag ki Hisus ne rekelà kew red dema nikandan te hinawa.

Hudas 1:1

Siaken ini se edsurat ne si Hudas ne suled ni Santiago wey sugsuhuen ni Hisu Kristu. Ne edsuratan ku sikiyu ne mibpemilì te Eleteala ne Amey tew ne nevaluy ne menge etew rin ne igkelimù din, ne ebentayan dema ni Hisu Kristu.