Mateo 9:14 - Ke meupiya ne tudtul mekeatag ki Hisu Kristu

¹⁴ Ne ruen menge edumdumaan ni Juan ke Ebpembunyag ne nekeuma kayi te ki Hisus ne mid-insà te, “Sikami wey ke menge Peresiyu ne layun edlimpas te egkaan, ugaid ne ke menge edumdumaan nu ne kenà edlimpas te egkaan. Ne meambe ini?”

Mateo 9:14 ပူးပေါင်းရင်းမြစ်များ

Mateo 11:2

Ugaid ne riyan en te bilengguan si Juan ke Ebpembunyag. Ne guna su nerineg din ke mekegeyip ne mid-ulaula ni Hisu Kristu, ne ruen menge edumdumaan din ne midsuhù din diyà te ki Hisus te ebpeinsaen.

Mateo 6:16

Ne migkahi pà maa si Hisus te, “Embiya edlimpas kew te egkaan su ebpengeningeni, ne kenà kew ebpekerumbahat te paras niyu iring dut te menge etew ne engkungkun ne metidtu. Su sikandan ke edlimpas dan te egkaan ne ebpebparas dan te merupaas su apey mekita te edlimpas dan te egkaan. Ne igkahi ku keniyu te kayi te ini se mid-ulaula ran ne nekuwa ran en ke lalew ran.

Mateo 9:15

Ne midtavak si Hisus te, “Embiya ruen egkewingen, maa edlimpas ves maa te kegkaan ke menge etew ne pinetelavuk te ini pà ke ibpengesawa te kandan? Kenà en iya! Ugaid ne ruen hewii ne egkeuma ne egkeawà ke ibpengesawa diyà te kandan, ne ketà dan pà edlimpas te egkaan.”

Juan 3:25

Ne ruen menge edumdumaan ni Juan ne ebpekidlewanà te senge etew ne Hudiyanen. Iyan dan ibpelewaney ne atag te edtenuran ne betasan te menge Hudiyanen te kedlùlù.

Juan 4:1

Nerineg dut te menge Peresiyu ke tudtul te iyan pà merakel ne menge etew se ebpendiyà te ki Hisus su ebpebunyag wey ebpesakup kandin dut te menge etew ne ebpendiyà te ki Juan.