Mateo 9:1 - Ke meupiya ne tudtul mekeatag ki Hisu Kristu

¹ Ne mid-untud en maa si Hisus te avang ne mid-apet dut te ranew ne mid-ulì diyà te inged din.

Mateo 9:1 ပူးပေါင်းရင်းမြစ်များ

Mateo 4:13

Nekeuma sikandin diyà te inged ne Nesarit ugaid ne warà ketà mid-ubpà su mibpendiyà sikandin te inged ne Kapirnawum diyà te beyvey te ranew te Geliliya diyà te tanà ne imbehey rengan dut te keep-epuan ni Sibulun wey Neptali.

Mateo 7:6

“Kayi te kebpenurù niyu ne kenà niyu ibpehes te ebpepemineg dut te menge etew ne warà adat din. Su ebpekeiring kew te idtimbag niyu riyà te asu ke kearen ne egkeedatan te Eleteala, ne eberiyung dan ne ebuntalen kew. Ne kenà niyu idtimbag ke pirlas niyu riyà te menge bavuy su egiekan dan dà ini.”

Mateo 8:18

Guna su nekita ni Hisus ke medmerakel ne menge etew ne edlingut kandin ne migkehiyan din ke edumdumaan din te, “Kuwa kiyu en su ed-apet kiyu riyà te ripag te ranew.”

Mateo 8:23

Ketà maa ne mid-untud si Hisus te avang ne miduma ke menge edumdumaan din.

Marcos 5:21

Guna su mid-apet en maa si Hisus diyà te ranew ne midunggù dan ne merakel se menge etew ne nengevurun ne midlingut kandin.

Lucas 8:37

Ne langun ne mehinged ketà te Gerisiyanu ne mibpemuyù ki Hisus te menu med-awà sikandin su neandek dan nevenar. Arà dà ne midlived en si Hisus diyà te avang din su ed-awà en.

Lucas 8:40

Nekeampil be maa si Hisus kayi te mibpuunan din ne migalewhalew kandin ke merakel ne menge etew ne nevurun ketà su daan dan en ne edtahad kandin.

Imperayag 22:11

Ne embiya edrudsù en ini se egketemanan, ne ke menge etew ne ed-ulaula te meraat ne ed-iseg pà ed-ulaula te meraat wey ke menge etew ne ed-ulaula te mekeyeyà ne ed-iseg pà ed-ulaula te mekeyeyyà. Ugaid ke menge etew ne metidtu se betasan din ne ibpelevundus din ke ed-ul-ulaan din ne meupiya. Uya, ke menge etew ne sakup te Eleteala ne ibpelevundus dan te ed-ulaula te kiyug te Eleteala.”