Mateo 8:9 - Ke meupiya ne tudtul mekeatag ki Hisu Kristu

⁹ Nesebutan ku ini su siaken ne ruen mepurù ku ne meperumaruma a kandin. Ne ruen menge sundaru ne egkemalan ku ne meperumaruma ran kediey. Su egkahi e rà te, ‘Diyà kew,’ ne iring dan te ebelesiken. Ne engketà ded ke egkahi a te, ‘Kayi kew,’ ne seperek mata ne kayi ran en. Ne embiya edsuhuen ku ini se edsugsuhuen ku te, ‘Ul-ulaa nu ini,’ ne arà en iya rema se ed-ul-ulaan din. Iring de be kayi,” ke se kepitan, “misan edlelehan nu rà ne egkeulian ini se edsugsuhuen ku.”

Mateo 8:9 ပူးပေါင်းရင်းမြစ်များ

Mateo 8:10

Nerineg ni Hisus ini ne neinuinu nevenar sikandin ne migkehiyan din ke menge etew ne miduma kandin te, “Sevenarbenar ne igkahi ku keniyu te warà e pà mekeuma te etew ne iring kayi kerekelà se sarig din kediey misan kayi te langun ne kevuwaran ni Israyil.

Mateo 8:8

“Mama,” ke se kepitan, “misan kenà ke en edlaus diyà te valey ku, su kenà a dait ne ebpemeneyikan nu. Su dekelà se gehem nu ne misan igkahi nu te, ‘Meulii sikandin,’ ne egkeulian ini se edsugsuhuen ku.

Marcos 1:27

Ne rekelà se kinekegeyip dut te langun ne menge etew ketà ne mibpein-inseey ran te, “Engkey ve vuwa ini? Kema ke ini en ke behu ne penurù. Su utew rekelà se gehem din su ebpeawà te menge vusew ne ebpemineg dan kandin.”

Lucas 4:39

Mid-uvey si Hisus dut te meritan ne pineawà din ke rateng. Arà dà ne neawà en ke rateng din ne mid-enew sikandin ne mid-ilutù en te ibpekaan kandan.

Lucas 7:8

Nesebutan ku ini su siaken ne ruen mepurù ku ne meperumaruma a kandin. Ne ruen menge sundaru ne egkemalan ku ne meperumaruma ran kediey. Su egkahi e rà te, ‘Diyà kew,’ ne iring dan te ebelesiken. Ne engketà ded ke egkahi a te, ‘Kayi kew,’ ne seperek mata ne kayi ran en. Ne embiya edsuhuen ku ini se edsugsuhuen ku te, ‘Ul-ulaa nu ini,’ ne arà en iya rema se ed-ul-ulaan din. Iring de be kayi misan edlelehan nu rà ne egkeulian ini se sugsuhuen ku.”

Lucas 9:1

Miburun ni Hisus ke sepulù wey deruwa ne edumdumaan din ne mibeheyan din sikandan te gehem te ebpekeulì te menge daru wey ebpekesegseg dan te menge vusew ne ebpenuuk dut te menge etew.

Kulasi 3:22

Ne sikiyu ne menge sugsuhuen, perumaruma kew rut te langun ne lalag dut te edsuhùsuhù keniyu. Kenà wey kew rà ed-upiya te helevek niyu ke ebentayan kew pà su apey kew egkereyù nikandan, ugaid ne ipehenat niyu kayi te hinawa niyu su ini se dait ne ulaula dut te etew ne eduma te Eleteala.

Tito 2:9

Ne ke menge sugsugsuhuen ne mibperetiyaya en, ne igkahi nu kandan te mebperumruma ran dut te langun ne suhùsuhù kandan su apey ini se ebpengemuney kandan ne egkesuat. Kenà dan mebpenumpan,