Mateo 8:6 - Ke meupiya ne tudtul mekeatag ki Hisu Kristu

⁶ “Mama,” ke sikandin, “duen edsugsuhuen ku ne ederaru riyà te valey ku su minatey ke divaluy ne lawa rin ne merasey nevenar se egeramen din.”

Mateo 8:6 ပူးပေါင်းရင်းမြစ်များ

Mateo 4:24

Ne nekeeneb en ke bantug ni Hisus diyà te tivuuk ne inged te Siriya ne mibpeneheewit te menge etew diyà te kandin ke langun ne egkerasey te piya engkey ne sakit wey daru, menge midsuukan te vusew, menge ebevuyen, wey menge etew ne minatey se lawa rin, ne nengeulian ni Hisus ke langun dan.

Mateo 8:7

Ne migkahi si Hisus te, “Ebpendiyan a su apey ku meulii sikandin.”

Mateo 9:2

Ne ruen menge etew ne nekeuma ne ed-ewit te etew ne mid-irehà diyà te duyanà ne minatey se tevì ne lawa rin. Guna su netuenan ni Hisus te rekelà ke sarig dan kandin ne migkehiyan din en ke minatey se tevì ne lawa rin te, “Kenà ka egkeuru, Mama. Nepesehad en ke keberedusaan nu.”

Nenged-ulaula 10:7

Ne guna su mid-awà en ke suluhuen te Eleteala, ne midtawag en ni Cornelio ke deruwa ne sugsuhuen din kayi te valey rin wey senge etew ne sundaru rin. Ebpengarap dema te Eleteala ini se sundaru ne senge etew sikandin ne kedserihan ni Cornelio.

Nenged-ulaula 8:7

Merakel se menge etew ne mibpenegseg din ke menge busew ne midsuuk kandan, ne nekepenguleyì ini se busew te kinepeawà kandan. Ne merakel dema se midtibas te ayew wey menge pungkù ne nengeulian din.

Nenged-ulaula 9:33

Ketà ne ruen neuma rin ne senge etew ne ed-ingaranan ki Eneas. Midtibas te ayew ini se etew ne nekedwalu en ne rahun ne warè en mekeenew-enew sikandin.

Kulasi 3:11

Ke langun tew ne mibperetiyaya ne warà biraan din diyà te etuvangan te Eleteala, Hudiyanen sikandin etawa kenà Hudiyanen, neetusan sikandin etawa warà, nekepengadì sikandin etawa warà nekepengadì, uripen sikandin etawa kenà uripen. Su langun tew ne mibperetiyaya ki Hisu Kristu ne mibpekidseveka kiyu kandin, ne sikandin se ed-ubpà kayi te keytew.

Kulasi 4:1

Na sikiyu ne menge etew ne ruen sugsuhuen, ne up-upiani niyu wey peketidtu kew te kebpeneheewit niyu kandan. Su tentenuri niyu te ruen ded dema mepurù niyu riyà te langit.

1 Timoteo 6:2

Ne embiya ke sugsuhuen wey ke edsuhùsuhù ne elin mibperetiyaya ki Hisu Kristu, ne kenà dait ne ebpegitungen dut te edsugsuhuen ne geina te edsuled dan te kebperetiyaya ran ne egkepakey ne egkurangan din ke adat din kandin. Nasì pà se up-upiani rin ke gelevek din dut te edsuhùsuhù kandin wey edati rin su mibperetiyaya en dema te Eleteala ne elin dan igkelimù te Eleteala. Ini ve imbe, Timoteo, se ibpesabut nu te meupiya kandan su apey ran egkerumai.

Filemon 1:16

Na guntaani ve ne kenà uripen nu rà dè duen sikandin su suled nu en sabap dut te peretiyaya nu ne igkelimù nu. Ne dekelà ku en sikandin te hinawa! Ugaid ne iyan ka pè be edlewanan se kenà uripen nu rà su suled nu en dema te ebperetiyaya te Kerenan tew ne si Hisus!