Mateo 8:15 - Ke meupiya ne tudtul mekeatag ki Hisu Kristu

¹⁵ Ne midampen ni Hisus ke velad din ne neawà en ke rateng din, ne mid-enew sikandin ne mid-ilutù en te ibpekaan kandan.

Mateo 8:15 ပူးပေါင်းရင်းမြစ်များ

Mateo 14:36

Ne ini se mibpeneheewit te ebpenderaru ne mibuyù ki Hisus te menu ma ke mekeamì ke ebpenderaru misan dut te belegkas din dà, ne langun ne nekeamì ketà ne neulian.

Mateo 20:34

Neyru si Hisus kandan ne midampen din ini se menge mata ran. Arà dà iya ne nekekita ran en, ne miduma ran en ki Hisus te ked-ip-ipanew ran.

Mateo 8:14

Ne mibpendiyà si Hisus te baley ni Pedro ne ketà ne nekita rin ke enuhang ni Pedro ne meritan ne ed-id-irehà su edetengen.

Mateo 8:16

Guna su midsanlep en ke andew ne ruen merakel ne menge etew ne midsuukan te vusew ne mibpeneheewit dan kayi te ki Hisus. Ne mibpenegseg ni Hisus ke menge vusew te impepevayà dà te lalag din, ne nengeulian din langun ne ebpenderaru.

Mateo 8:3

Ne midampen ni Hisus sikandin se egkahi te, “Uya, egkiyug a,” ke sikandin. “Meulii ka!” Arà dà ne neawà en ke sakit dut te meama su neulian en.

Mateo 9:20

Ne ruen meritan ketà dema ne nerasey nevenar su nekedsepulù en wey deruwa ne rahun se kebpemundasa rin te lengesa ne kenà egkeengked. Mibpenelektelek en sikandin diyà te uriyan ni Hisus ne mid-amì din dà ke belegkas ni Hisus.

Mateo 9:29

Ne midampen ni Hisus ke mata ran ne migkahi te, “Sabap te kebperetiyaya niyu ne meulii kew en!”

Marcos 1:29

Guna su mid-awà en si Hisus wey ke edumdumaan din ketà te valey ne ebpengedian te menge Hudiyanen te penduan dan ne diyà dan en medturedu te valey enni Simon ki Andres, ne miduma rema ensi Santiago ki Juan.

Marcos 1:41

Ne ingkeyru ni Hisus sikandin ne midampen din en se egkahi te, “Uya, egkiyug a, meulii ka!”

Lucas 8:54

Mid-uvey rin ke vatà ne migeweran din ke velad din ne migkahì te, “Payi, enew ke en.”