Mateo 8:14 - Ke meupiya ne tudtul mekeatag ki Hisu Kristu

¹⁴ Ne mibpendiyà si Hisus te baley ni Pedro ne ketà ne nekita rin ke enuhang ni Pedro ne meritan ne ed-id-irehà su edetengen.

Mateo 8:14 ပူးပေါင်းရင်းမြစ်များ

Mateo 17:25

“Uya,” ke si Pedro. Guna su mibpemenayik en si Pedro diyà te baley ne mid-unaan en ni Hisus te egkahi te, “Diyà te itungan nu, Pedro, entei se ebayad te buwis diyà te egkamal te inged kayi te ampew te dunya? Engkey, ke mehinged kayi te inged din etawa ke riyà ebpuun te meriyù?”

Mateo 8:15

Ne midampen ni Hisus ke velad din ne neawà en ke rateng din, ne mid-enew sikandin ne mid-ilutù en te ibpekaan kandan.

Mateo 8:20

Ne migkahi si Hisus kandin te, “Ke menge laku ne ruen takub ne ed-ul-ulian dan, ke menge pepenuk ne ruen kandan ne salag, ugaid ne ke Impeanak te Menusiyà ne misan endei en memekeirehà su warà ubpaan din.”

1 Kurintu 9:5

Engkey, kenà be kewagib te ed-iring a dut te ruma ne menge kedserihan ni Hisus, abpeg dut te menge ari rin wey si Pedro, su langun dan ne ruen esawa ran ne mibperetiyaya ki Hisus ne edumaan dan te ked-ipanew ran?

1 Timoteo 3:2

Ugaid ne ke etew ne ebpeneheewit te menge mibperetiyaya ki Hisus ne iyan din kemeyidan ne warà ulaula rin ne meraat ne igkesawey kandin, ne seveka rà se esawa rin. Iyan din kemeyidan ne kenà mekalas se kebpenunuen din te keuyahan, ugaid ne erangan se ed-ul-ulaan din su apey langun ne ulaula rin ne meupiya. Iyan din kemeyidan ne mesakew te piya engkey en ne etew, ne metau sikandin ne ebpenurù.

1 Timoteo 4:3

Ini se ebpememandù te tarù, ne edawey ran te ebpees-eseweey wey ruen egkekaan ne ibpemandù dan te kenà ibpekaan. Ugaid ne ini se egkekaan ne mibpengaren te Eleteala ne egkeenen tew, labi pà ke sikitew ne mibperetiyaya kandin wey nekesabut dut te tidtu ne penurù asal id-una tew pà te ebpengeningeni ne ibpeselamat te Eleteala se egkeenen.

Hibruhanen 13:4

Ne edati niyu ke kedtiwelayà niyu ne kenà kew edlangkadlangkad dut te esawa nu. Su edusaan te Eleteala ke etew ne ed-iring ketà misan nekeesawa sikandin etawa kenà.