Mateo 7:23 - Ke meupiya ne tudtul mekeatag ki Hisu Kristu

²³ Ugaid ne iyan ku igkahi kandan te, ‘Sikiyu ne meraat se ulaula, kenà ku egketuenan sikiyu. Awà kew kayi!’ ”

Mateo 7:23 ပူးပေါင်းရင်းမြစ်များ

Mateo 25:12

“Ugaid ne migkahi ke kenakan ne ibpengesawa te, ‘Kenà, su kenà ku egketuenan sikiyu.’

Mateo 25:41

“Ne ketà ne egkehiyan din ke menge etew kayi te egkehivang din te, ‘Sikiyu ne mibpenrewakan te Eleteala su nesuhat kew te sakit te hinawa rin, awà kew kayi te kediey! Pendiyà kew te apuy nerakà ne kenà egkeevukan ne impenehana ki Setanas ke datù te pekaid wey ke menge sakup din.

Lucas 13:25

Su ke kemuney te valey se ebpendiyà te gumawan su ebpintuan din ne riyà kew rà te liyu se edtawag te, ‘Mama, bukai key pà te lekeb.’ “Ugaid ne iyan din egkehiyen se, ‘Kenà ku egketuenan ke endei kew ebpuun.’

Lucas 13:27

“Ugaid ne edtavak maa sikandin te, ‘Kenà ku iya egketuenan ke endei kew ebpuun. Awà kew kayi te kediey, sikiyu ne menge etew ne meraat se ulaula niyu!’ ke se kemuney te valey.

Juan 10:14

“Siaken,” ke si Hisus, “ke meupiya ne tumetuganur ne ke menge etew ne iring te menge bilibili ku. Netuenan ku ke Amey ku, ne netuenan a rin dema. Ne iring ded dema kayi te menge bilibili ku ne eduma kedì su egkekilala ku sikandan ne egkekilala a ran dema, ne andam a ne ebpebpatey te selidig kandan.

2 Timoteo 2:19

Ugaid ke tidtu ne penurù te Eleteala ne insevetad din ne kiter ne kenà en iya ebparin. Su ruen imbe kayi ne lalag din ne egkahi te netuenan din ke langun ne mibpekidseveka kandin. Ne ruen pà maa lalag din ne egkahi te embiya egkahi ka te mibpekidseveka ka kandin, ne kenà nu en imbe surii ke meraat ne betasan nu.

Imperayag 22:15

Ugaid ne iyan kenà ebpekelusud ketà te inged te Eleteala ne ke langun ne mekeyeyà se ed-ul-ulaan din, ne ke duen menge ketuenan din, ke menge ebpengingniyug, ke menge terevunù, ke menge ebpengarap te ledawan dà ne kenà tidtu ne Eleteala, ke menge teruen, wey ke menge limbungen. Warà etew ne ed-ulaula te iring ketà ne ebpekelusud ketà te inged.