Mateo 7:17 - Ke meupiya ne tudtul mekeatag ki Hisu Kristu

¹⁷ Iring din ded dema ke kayu ne meupiya se kegueyhuey rin ne iyan din dà bahas ne meupiya. Ugaid ne ke kayu ne ruen sakit din ne iyan din bahas ne meraat.

Mateo 7:17 ပူးပေါင်းရင်းမြစ်များ

Mateo 7:18

Su ke kayu ne meupiya se kegueyhuey rin ne kenà ebehas te mereatey, ne ke kayu ne ruen sakit din ne kenà ebahas te meupiya.

Ipisu 5:9

Su embiya nereyahan en ke itungan niyu, ne egkekita kayi te ulaula niyu ke langun ne meupiya wey ketidtu wey arà se benar.

Pilipus 1:11

Su ketà ne langun te ed-ul-ulaan niyu ne metidtu sabap dut te kedtavang ni Hisu Kristu keniyu, su sikandin dà se ebpekegaga te ked-ulaula niyu ketà. Ed-ul-ulaan din ini su apey egkereyù ke Eleteala wey egkeedatan sikandin.

Kulasi 1:10

Ini se ibpengeningeni rey su apey kew ebpeketuman rut te kiyug te Eleteala wey langun ne ed-ul-ulaan niyu ne ebpekesuhat te hinawa rin. Ketà ne ini se meupiya ne ed-ul-ulaan niyu ne ed-iseg wey ke nesebutan niyu mekeatag te Eleteala ne egkeumanan.

Hudas 1:12

Su egenat dut te meraat ne ulaula ran ne ebpekekaid dut te kevurunan niyu te edtenuran niyu ke kinepatey wey kinekevanew ni Hisus. Warà angkà te kegkaan wey ked-inum dan su iyan den dà ed-epasen ke kegkaan dan. Ne iring dan dema te dadtem ne kivel ne kunaan ke ebpekeuran, ugaid ne inlayap te keramag. Ne iring dan ded dema te kayu ne nevuwar en su misan timpu te kebpemehas ne warà bahas din su nehangu en.