Mateo 6:30 - Ke meupiya ne tudtul mekeatag ki Hisu Kristu

³⁰ Embiya Eleteala se ebpebparas te kevukaran te sagbet iring ketà, misan mehaan dà se kedtuvù din su egkekita niyu guntaan ne keremà ne nehangu en ne egkevinsulan en, ne maa iyan kew pè be kenà behayi te ibevelegkas niyu? Sikiyu ne deisek se kedsarig niyu!

Mateo 6:30 ပူးပေါင်းရင်းမြစ်များ

Mateo 14:31

Arà dà ne migeweran ni Hisus sikandin ne migkahi en te, “Kurang bes ke kebperetiyaya nu kediey! Meambe ke ruen keduwaruwa nu?”

Mateo 16:8

Ne netuenan ni Hisus ke engkey se ibpelelelahey ran ne migkehiyan din en sikandan te, “Meambe ke iyan niyu egkepengasak se warà niyu kebpekeewit te pan? Kurang nevenar ke kedsarig niyu kediey?

Mateo 17:17

Migkahi si Hisus te, “Sikiyu ne menge etew guntaan, ne warà kebperetiyaya niyu te Eleteala wey menge suer kew!” ke sikandin. “Neuhet en se kebpekiduma ku keniyu, ne engkey pà se taman ne kebperetiyaya niyu? Engkey pà taman se keuhet din se kedtigkeri ku keniyu? Ipengkayi niyu ayan se vatà!”

Mateo 8:26

Ne migkahi si Hisus te, “Meambe ke nengeandek-andek kew? Kurang kew te sarig kedi!” Ne mid-enew en ne pineengked din en ke keramag wey menge baleg, ne midlengen en ke ranew.

Marcos 4:40

Ne migkehiyan din en ke menge edumdumaan din te, “Meambe ke nengeandek-andek kew? Maa, kenà kew edsarig kediey?”

Marcos 9:19

Migkahi si Hisus te, “Sikiyu ne menge etew guntaan, warà kebperetiyaya niyu te Eleteala! Neuhet en se kebpekiduma ku keniyu, ne engkey pà taman te kebperetiyaya niyu? Engkey pà taman se keuhet din se kedtigkeri ku keniyu? Ipengkayi niyu ayan se vatà!” ke si Hisus.

Lucas 12:28

Embiya Eleteala se ebpebparas te kevukaran te sagbet iring ketà misan mehaan dà se kedtuvù dan su egkekita niyu guntaan ne keremà ne nehangu en ne egkevinsulan en, ne iyan kew pè be kenà mevehayi te igkevevelegkas niyu. Sikiyu ne deisek se kedsarig niyu!

Lucas 9:41

Migkahi si Hisus te, “Sikiyu ne menge etew guntaan, warà kebperetiyaya niyu te Eleteala wey menge suer kew!” ke sikandin. “Neuhet en se kebpekiduma ku keniyu, ne engkey pà taman se kebperetiyaya niyu? Wey engkey pà taman se keuhet din se kedtigkeri ku keniyu?” Ne migkahi si Hisus dut te amey te vatà te, “Ipengkayi nu ke anak nu.”

Juan 20:27

Arà dà ne migkahi en sikandin diyà te ki Tomas te, “Tengtengi nu ini se velad ku, ne tiyuka nu ini se palad ku abpeg dut te palì te tengkiliran ku ne sepuwa nu rema! Engked ka te keduwaruwa nu, ne peretiyaya ka!”

Hibruhanen 3:12

Engketà be menge suled ku, uram-uram kew nevenar su apey warà seveka keniyu ne eduma te meraatey ne itungan ne ed-awà se peretiyaya rin te Eleteala, su arà se kebpekepekeriyù tew rut te Eleteala ne warà kemetayen din.

1 Pedro 1:24

Su ruen impesurat ne Lalag te Eleteala ne egkahi te, “Kenà melayat se umur dut te menge etew, su iring te sagbet ne mehaan ne egkehangu. Ne ke kevantug din ne iring te kevukaran su kenà meuhet se egkekita nu, ne egkeleyùlù en.