Mateo 6:27 - Ke meupiya ne tudtul mekeatag ki Hisu Kristu

²⁷ Ne engkey keniyu se nekesumpat te umur din te impepevayà te kegkeuru rin?

Mateo 6:27 ပူးပေါင်းရင်းမြစ်များ

Mateo 5:36

Ne kenà kew rema sesapà te ulu niyu su warà gehem niyu te ebpekeputì te misan senge waru rà ne bulvul niyu etawa ebpekeitem.

Mateo 6:25

“Tembù be iyan ku igkahi keniyu,” ke si Hisus, “kenà kew meuru te egkekaan wey ed-inumen ne igkeuyag niyu etawa ke engkey se ibevelegkas niyu. Su ke hinawa wey lawa niyu ne imbehey te Eleteala, ne maa kenà belielehà pà arà dut te egkekaan niyu wey belegkas niyu?

Mateo 6:28

“Embiya kenà ka ebpekegaga kayi, ne meambe ke egkeuru ka te ibevelegkas nu? Keniyan niyu rè ma te kevukaran ke engkey se kedtuvù dan. Kenà dan egelevek ne kenà dan ed-avel.

Mateo 6:31

“Ketà be ne kenà kew meuru se egkahi te, ‘Engkey se egkekaan wey egkeinum dey? Ne engkey se ibevelegkas dey?’

Mateo 6:34

Tembù be kenà kew meuru ke engkey se egketemanan niyu dut te menge hewii ne egkeuma. Su uman hewii ne idsengebias ke kerehenan din, ugaid ne wey niyu en pegitunga ke egkeuma en.”

Lucas 10:41

Ugaid ne migkahi si Hisus te, “Sikuna, Marta, merakel utew se igkeuru nu ne kenà beripantag.

Lucas 12:11

“Ne embiya ibpemenayik kew nikandan te kukuman diyà te menge valey ne ebpengedian te penduan dan etawa ibpelaus ke pà diyà te menge gubinedur wey egkeunutan dan ne kenà kew meuru ke ebmemenuwen niyu se kedlalag niyu te kedtindeg te hinawa niyu wey engkey se ralan te kegkahi niyu.

Lucas 12:22

Ne migkahi en si Hisus diyà te menge edumdumaan din te, “Ini imbe ke igkahi ku keniyu, kenà kew meuru te egkekaan ne igkeuyag niyu etawa ke engkey se ibelegkas te lawa niyu.

1 Kurintu 12:18

Ugaid ne kenà iring ketà se kinelimbag te Eleteala te etew, su ke lawa te etew ne kenà senge susun ne pepatà dà ugaid ne merakel su uman seveka ne ruen egkeetahan din su arà ma ke kiyug te Eleteala.

Pilipus 4:6

Kenà kew egkeuru te misan engkey en, ugaid ne ipengeningeni niyu riyà te Eleteala mekeatag te langun ne egketemanan niyu. Buyua niyu diyà te kandin te langun ne kurang niyu, ne peselemati niyu sikandin dut te ibehey rin.

1 Pedro 5:7

Ne idsarig ta te Eleteala ke piya engkey ne kemutuwan ta su iyan sikandin ke edtuganur keyta.