Mateo 4:25 - Ke meupiya ne tudtul mekeatag ki Hisu Kristu

²⁵ Ne medmerakel ne menge etew ne miduma kandin egenat te lusud te inged ne Geliliya, lusud te inged ne Dikapulis, inged ne Hirusalim, lusud te inged ne Hudiya wey menge inged diyà te ripag te wayig ne Hurdan.

Mateo 4:25 ပူးပေါင်းရင်းမြစ်များ

Mateo 12:15

Guna su nerineg ni Hisus ini se netahù te itungan rut te menge Peresiyu, ne mid-awà sikandin ketà te inged ne denda ne menge etew se miduma kandin. Ne neulian din ke langun ne ebpenderaru,

Mateo 19:2

Ne mibpenduma kandin ke denda ne menge etew, ne nengeulian din ke ebpenderaru.

Mateo 4:15

“Tanà te Sibulun wey tanà te Neptali diyà te beyvey te rahat, diyà te ripag te wayig ne Hurdan, ne ed-ingeranan te Geliliya ne ed-ubpaan te kenà Hudiyanen!

Mateo 5:1

Guna su nekita ni Hisus ke denda ne menge etew ne miduma kandin ne midtekereg sikandin diyà te buvungan ne rutun mibpinuu. Ne mid-uvey kandin ke menge edumdumaan din.

Mateo 8:1

Guna su midtupang si Hisus ketà te buvungan ne mibpenuruan din te menge etew, ne medmerakel se miduma kandin.

Marcos 5:20

Arà dà ne mid-ulì en ini se meama ne mibpemenudtul en diyà te langun ne menge inged diyà te lusud te inged ne Dikapulis ini se meupiya ne mid-ulaula ni Hisus kandin. Ne langun ne menge etew ne nekerineg kandin ne nengegeyip dan nevenar.

Marcos 6:2

Guna su neuma en ke Hewii te Id-imeley, ne mibpendiyan en si Hisus te baley ne ebpengedian te menge Hudiyanen te penduan dan se ebpenurù, ne merakel se menge etew ne nevurun ketà. Guna su nerineg dan se kebpenurù din ne neinuinu ran nevenar se egkahi te, “Endei rin be buwa mehuruwi ini?” ke sikandan. “Engkey ini se ketau rin ne nekuwa rin? Ne ebmenuwen din te ebaal ini se menge mekegeyip?

Marcos 7:31

Guna su mid-awà si Hisus kayi te inged ne Tiru ne riyà pà mibpevayà te inged ne Sidun, ne arà pà ne mibetikù kayi te ranew ne Geliliya ne midlusud en te inged ne Dikapulis.

Lucas 6:17

Ne midtupang si Hisus wey ke menge nepemilì din ne mid-engked dan ketà te malù mepatag. Ne ketà ne ruen nevurun ne merakel ne etew ne edurumaruma kandin wey menge etew ne riyà ebpuun te langun ne menge inged lusud te Hudiya, ne riyà ebpuun dema te Hirusalim, wey riyà ebpuun te menge inged ne Tiru wey Sidun diyà te beyvey te rahat.

Lucas 6:19

Ne langun ne menge etew ne migeram midsinagkew ki Hisus su ruen gehem din ne ketà ebpuun te kandin ne ebpekeulì te menge raru dut te langun dan.