Mateo 4:24 - Ke meupiya ne tudtul mekeatag ki Hisu Kristu

²⁴ Ne nekeeneb en ke bantug ni Hisus diyà te tivuuk ne inged te Siriya ne mibpeneheewit te menge etew diyà te kandin ke langun ne egkerasey te piya engkey ne sakit wey daru, menge midsuukan te vusew, menge ebevuyen, wey menge etew ne minatey se lawa rin, ne nengeulian ni Hisus ke langun dan.

Mateo 4:24 ပူးပေါင်းရင်းမြစ်များ

Mateo 12:22

Ne ruen menge etew ne mid-ewit kayi te ki Hisus te etew ne nepisek wey neemew su midsuukan te vusew. Midsegseg ni Hisus ke vusew kayi te meama ne neulian en, ne nekelalag wey nekekita en.

Mateo 14:1

Nerineg ne Hirudis ini se tudtul mekeatag te mid-ulaula ni Hisus su arà ne hewii ne sikandin ke egkeunutan ketà te Geliliya.

Mateo 15:22

Ne ruen nekeubpà ketà ne meritan ne riyà ebpuun te inged ne Kenaan ne midtelavuk ki Hisus. “Kerenan, sikuna ne inenakan ni David,” ke sikandin, “igkeyru a nikuna! Su ruen anak ku ne meritan ne midsuukan te busew ne egkepesangan nevenar.”

Mateo 17:15

ne migkahi te, “Mama, igkeyru nu ke anak ku! Ebevuyen sikandin ke edsuuk en ke busew ne egkerasey nevenar su ruen ke egkepiley riyà te apuy wey ruen ke riyà te wayig.

Mateo 17:18

Ne pineawà ni Hisus ke vusew ne mid-awà en diyà te kandin, ne arà dà dema ne neulian en.

Mateo 4:23

Ne mid-eneb-eneb en si Hisus dut te langun ne menge inged diyà te lusud te inged ne Geliliya se ebpenurù ketà te menge valey ne ebpengedian te menge Hudiyanen te penduan dan. Impesabut din te menge etew ke Meupiya ne Tudtul mekeatag te Kedatù te Eleteala kandan, ne nengeulian din ke piya engkey en ne sakit wey menge daru te menge etew.

Mateo 8:28

Nekerunggù en ensi Hisus diyà te ripag te ranew riyà te sakup te inged te Gadara, ne ketà ne ruen midsinuhung kandin ne deruwa ne etew ne riyà ebpuun te menge surung ne penlelevengan. Midsuukan te vusew ini se deruwa ne etew ne laus ne ebpekekaid ne igkeandek en sikandan te menge etew ne warà en edtikà ne ebpevayà ketà te ralan.

Mateo 8:33

Nekita ini rut te menge etew ne edtuganur ketà te menge bavuy ne mibpemelelahuy ran en diyà te inged su impemenudtul dan ini wey ke ned-ulaula rut te menge etew ne midsuukan te vusew.

Mateo 8:6

“Mama,” ke sikandin, “duen edsugsuhuen ku ne ederaru riyà te valey ku su minatey ke divaluy ne lawa rin ne merasey nevenar se egeramen din.”

Mateo 9:26

Ne nekeeneb en ke tudtul mekeatag dut te ini ne ned-ulaula diyà te langun ne nekeerivey ne inged ketà.

Mateo 9:35

Ne mid-eneb ni Hisus te ebayà ke langun ne reisek dekelà ne menge inged. Mibpenurù diyà te menge valey ne ebpengedian te menge Hudiyanen te penduan dan, ne impesabut din kandan ini se Meupiya ne Tudtul te Kedetui te Eleteala te menge etew, wey nengeulian ke menge etew ne ebpenderaru te misan engkey en ne ebpenggeramen.

Marcos 1:28

Arà dà iya ne nekeeneb en ke bentuhan dut te mid-ulaula ni Hisus diyà te lusud te langun ne inged te Geliliya.

Marcos 1:32

Guna su midsanlep en ke endew ne mibpeneheewit en kayi te ki Hisus te menge etew ke langun ne ebpemekedaru, wey ke menge midsuukan te vusew.

Marcos 2:3

ne ruen nekeuma ne epat ne etew ne edyayung te etew ne minatey ke tevì ne lawa rin.

Marcos 2:4

Ugaid ne geina te merakel ne menge etew ne warà dan mekeuvey ki Hisus. Ketà be ne iyan dan mid-ulaula ne midlekatan dan ke atep ne renged ni Hisus, ne ketà ne midtuntun dan en ke ederaru kayi te ed-irehaan din diyà te ki Hisus.

Marcos 2:9

Endei rapit se melemu,” ke si Hisus, “te egkahi riyà te minatey se lawa rin te, ‘Ke menge salà nu ne nepesehad en’ etawa ve egkahi te, ‘Enew ke en ne luluna nu ke ikam nu ne ipanew ke en’?

Lucas 2:2

Ini pà ke neuna ne kebpesurat dan te ngaran dan gewii te iyan midtendù ni Agustu ne gubinedur diyà te inged ne Siriya ne si Cirenio.

Lucas 4:14

Mid-ulì en si Hisus diyà te Geliliya ne ke gehem te Kedesenan ne Ebpetuntul te Menusiyà ne ini en te kandin. Ne nekeeneb en dut te langun ne nekelingut ne inged ke tudtul mekeatag ki Hisus.

Lucas 4:38

Guna su mid-awà si Hisus kayi te valey ne ebpengedian te menge Hudiyanen te penduan dan, ne mibpendiyà te valey ni Simon. Seretà din ketà ne edetengen ke enuhang ni Simon ne meritan, ne mibuyù dan ki Hisus te bawii rin.

Lucas 5:15

Ugaid ne nasì en ne nekeeneb ke tudtul mekeatag te mid-ulaula ni Hisus, ne migkuludkulud se menge etew ne mibpengkayi te kandin su ebpemineg te penurù din wey ebpemevawì te menge raru ran.

Lucas 5:24

Guntaani ne ibpekita ku keniyu,” ke si Hisus, “te ruen gehem dut te Impeanak te Menusiyà te ebpesehad te salà kayi te ampew te dunya.” Ne migkehiyan din en ke meama ne minatey se tevì ne lawa rin te, “Mama, enew ke en ne luluna nu ke ikam nu ne ulì ke en.”

Lucas 7:17

Nekeeneb en ini se mid-ulaula ni Hisus kayi te lusud te Hudiya wey riyà dema te nekelingut ne inged.

Juan 10:21

Ugaid ne ruen duma ne migkahi te, “Embiya ma midsuukan te vusew sikandin, ne kenà iring kayi se kebpenurù din! Ne ebmemenu ve se vusew te ebpekekità ke pisek?”

Nenged-ulaula 10:38

Netuenan niyu rema te mekeatag ki Hisus ne riyà ebpuun te inged ne Nesarit. Su impelumun te Eleteala kandin ke Kedesenan ne Ebpetuntul te Menusiyà ne midlumun kandin ne mibehey kandin te gehem. Ne mid-eneb din ini se menge inged se ebaal te meupiya wey nengeulian din ke langun ne edlelungen dut te datù te pekaid su diyà ma te kandin ke Eleteala.

Nenged-ulaula 15:23

Ne impepeewit dan kandan ke surat ne ini se migkahi rin, “Ini se surat ne kayi ebpuun te menge suled niyu ne mibperetiyaya ki Hisus kayi te Hirusalim, ke menge kedserihan wey ke menge pekilukesen. Meupiya key kayi, ugaid ne memenu kew keniyan langun ne kenà Hudiyanen ne menge suled dey te mibperetiyaya ki Hisus keniyan te inged ne Antiyuka wey riyà te menge pruvinsiya te Siriya wey Silisiya.

Nenged-ulaula 15:41

Ne mid-apet dan diyà te menge pruvinsiya ne Siriya wey Silisiya se ebpenurù su apey ebmeilut se kebperetiyaya dut te menge mibperetiyaya ketà.

Nenged-ulaula 28:9

Guna su nerineg ini dut te menge etew ne ed-ubpà ketà, ne mid-ewit dan ke langun ne ederaru ne nengeulian.

Nenged-ulaula 8:7

Merakel se menge etew ne mibpenegseg din ke menge busew ne midsuuk kandan, ne nekepenguleyì ini se busew te kinepeawà kandan. Ne merakel dema se midtibas te ayew wey menge pungkù ne nengeulian din.