Mateo 4:14 - Ke meupiya ne tudtul mekeatag ki Hisu Kristu

¹⁴ Ned-ulaula rin ini su apey metuman ke impesurat ki Isayas ke mibpelambas te Lalag te Eleteala rengan ne egkahi te,

Mateo 4:14 ပူးပေါင်းရင်းမြစ်များ

Mateo 1:22

Langun kayi ne ned-ulaula su apey metuman ke impekahi rengan te Kerenan dut te ebpelambas te lalag din ne egkahi te,

Mateo 2:15

Ne riyà dan mid-ubpà taman te minatey en si Hirudis. Ned-ulaula ini su apey metuman ke impekahi te Kerenan rengan dut te ebpelambas te Lalag din ne si Husiyas ne egkahi te, “Impeulì ku ke Anak ku riyà ebpuun te inged ne Ihiptu.”

Mateo 2:23

ne mid-ubpà dan ketà te inged ne ed-ingaranan te Nesarit. Ned-ulaula rin ini su apey metuman ke impekahi rut te ebpelambas te Lalag te Eleteala rengan ne egkahi te, “Ed-ingeranan sikandin te etew te Nesarit.”

Mateo 26:54

Ugaid,” ke si Hisus, “ne kenà a su embiya ed-ul-ulaan ku arà ne memenu ve se kegketuman dut te impesurat ne Lalag te Eleteala ne egkahi te iyan iya se metuman te iring kayi?”

Mateo 26:56

Ugaid ne egked-ulaula ini langun su apey egketuman en ke Lalag te Eleteala ne impesurat dut te menge etew ne mibpelambas te lalag din dengan.” Arà dà ne mibpelahuy en ke menge edumdumaan din ne intahak dan en sikandin.

Mateo 4:13

Nekeuma sikandin diyà te inged ne Nesarit ugaid ne warà ketà mid-ubpà su mibpendiyà sikandin te inged ne Kapirnawum diyà te beyvey te ranew te Geliliya diyà te tanà ne imbehey rengan dut te keep-epuan ni Sibulun wey Neptali.

Mateo 4:15

“Tanà te Sibulun wey tanà te Neptali diyà te beyvey te rahat, diyà te ripag te wayig ne Hurdan, ne ed-ingeranan te Geliliya ne ed-ubpaan te kenà Hudiyanen!

Mateo 8:17

Mid-ulaula rin ini su apey metuman ke impesurat ki Isayas ne ebpelambas te Lalag te Eleteala rengan se egkahi te, “Sikandin en iya ke nekeulì te daru tew, ne nekeawà te menge sakit tew.”

Lucas 22:37

Su igkahi ku keniyu ne arà se impesurat ne Lalag te Eleteala mekeatag kediey ne iyan iya se metuman en. Su ruen nekahi ketà mekeatag kediey te, ‘Inragkes sikandin te menge etew ne belisalà’ ne ke kegketuman din ini ne mehaan en egkeuma.”

Lucas 24:44

Ne migkahi si Hisus kandan te, “Pehaney te kayi e pà te keniyu ne ini iya ke migkahi ku keniyu: Langun te impesurat mekeatag kediey ketà te penduan ni Moises wey ke impesurat te menge mibpelambas te Lalag te Eleteala wey arà se insurat ketà te riberù ne ed-ingaranan te Salmu ne langun din ne metuman iya kayi te kedì. Na guntaani ne netuman en arà kayi te netemanan ku.”

Juan 15:25

Ugaid ne iyan ebpuun te kegkeepes dan kedì ne egketuman ke impesurat diyà te penduan dan ne egkahi te, ‘Neepes dan kedì misan warà puunan din.’ ”

Juan 19:28

Ketà ne netuenan ni Hisus te langun ne insuhù kandin ne nepasad din en ne migkahi en sikandin te, “Ebpekeinum a.” Migkahi rin ini su apey egketuman ke impesurat ne Lalag te Eleteala rengan.