Mateo 3:7 - Ke meupiya ne tudtul mekeatag ki Hisu Kristu

⁷ Guna su nekita ni Juan ke merakel ne Peresiyu wey Sadusiyu ne mibpengkayi su ebpebunyag ne migkehiyan din sikandan te, “Iring kew te menge uled ne ebpelahuy dut te apuy! Mehaan en egkeuma ke kedusa te Eleteala keniyu. Engkey se midtarem keniyu te ebpekeliyu kew ketà te ebpebunyag kew?

Mateo 3:7 ပူးပေါင်းရင်းမြစ်များ

Mateo 12:24

Guna nerineg ini rut te menge Peresiyu ketà ne migkahi ran te, “Si Bilsibul ke unutan te menge vusew se mibehey kandin te gehem te kebpenegseg te menge vusew.”

Mateo 12:34

Engketà ded dema te sikiyu. Iring kew te menge uled ne ebpekekaid, ne warà meupiya ne egkekahi niyu geina te memeraatey ini se netahù te hinawa niyu. Su piya engkey se intahù te etew te hinawa rin, ne ini se egemew te bèbà din.

Mateo 15:12

Ne mid-uvey kandin ke menge edumdumaan din ne migkahi te, “Maa, netuenan nu red te neepesan ka te menge Peresiyu dut te migkahi nu geina?”

Mateo 16:1

Ne ruen menge Peresiyu wey menge Sadusiyu ne mibpendiyà te ki Hisus se ebpekidlewanà kandin su ebeelan dan te litag si Hisus. Tembù be mibuyù dan te mebaal si Hisus te mekegeyip ne tuus te midsuhù sikandin te Eleteala.

Mateo 16:6

Ne mibpenempità si Hisus kandan te, “Andam kew,” ke sikandin, “ne ingati niyu te kenà kew egkepeneheewit te ibpelevag te pan dut te menge Peresiyu wey Sadusiyu.”

Mateo 22:15

Ketà ne mid-awà ke menge Peresiyu ne mid-upakat dan te edseligkaten dan te menge insà si Hisus.

Mateo 22:23

Arà ne hewii ne ruen menge Sadyusiyu ne mibpengkayi te ki Hisus. (Ini se menge Sadyusiyu ke menge etew ne warà mebperetiyaya te egkevanew pà te Eleteala ke menge minatey.)

Mateo 22:34

Guna su nerineg kayi te menge Peresiyu te nekepeeneng-eneng ke menge Sadyusiyu dut te penurù ni Hisus, ne mibpengkayi ran te ki Hisus.

Mateo 23:33

“Iring kew te pispis te uled! Ebmemenu kew te ed-elihu te kedusa keniyu diyà te apuy nerakà?

Mateo 5:20

Su idtarem ku keniyu,” ke si Hisus, “wey kew rà ebpekeamung diyà te menge etew ne Edetuan te Eleteala diyà te langit embiya iyan kew pà metidtu diyà te etuvangan din dut te menge meyterù te penduan wey menge Peresiyu.”

Marcos 12:13

Guna su mid-awà en ke menge egkeunuten te menge Hudiyanen, ne ruen en maa ruma pà ne menge Peresiyu wey menge etew ni Hirudis ne midsuhù dan te ebaal te menge penginsà su apey ruen dalan ne idlitag dan ki Hisus.

Marcos 12:18

Ne ruen dema menge etew ne ed-ingaranan te Sedyusiyu ne mibpendiyà te ki Hisus. (Ini se menge Sedyusiyu ke menge etew ne warà mebperetiyaya te egkevanew pà te Eleteala ke menge minatey.)

Marcos 8:15

Ne midsempità si Hisus kandan se egkahi te, “Andam kew,” ke sikandin, “ne ingati niyu te kenà kew egkepeneheewit te ibpelevag te pan dut te menge Peresiyu, abpeg ki Hirudis.”

Lucas 16:14

Duen ketà menge Peresiyu ne iyan den dà dekelà te hinawa ne kureta ran. Nerineg dan dà ini se migkahi ni Hisus ne mid-undaunda ran dà.

Lucas 18:11

Guna su ketà dan en te lusud ne mid-itindeg ini se Peresiyu ne mibpengeningeni te hinawa rin, ke sikandin te, ‘Is Eleteala, ebpenelamat a kenikew ne Eleteala su kenà a iring keniyan te ruma ne menge etew ne tenlimbungen, menge etew ne meraatey se ulaula ran, wey menge etew ne ebpengingniyug. Uya, ebpenelamat a te kenà a iring keniyan te etew ne ebpevayad te buwis.

Lucas 7:30

Ugaid ke menge Peresiyu wey ke menge meyterù te penduan te Hudiyanen ne mid-engkenà dan dut te ibpetuman te Eleteala kandan, ne warà dan mebpebunyag ki Juan.

Juan 1:24

Ne ayan se ebpenginsà ki Juan ne menge suhù te menge Peresiyu,

Juan 8:44

Su ke datù ma te pekaid se amey niyu ne iyan niyu edumaan ke kandin ne kiyug. Terebunù sikandin te aney en, ne edsungkanger dut te benar su iyan dè ma nekepenù te bèbà din ne tarù. Embiya edlalag sikandin ne tarù su edumaan din ke kandin ne kiyug, su teruen ma sikandin ne apù sikandin te tarù.

Juan 9:40

Ruen menge Peresiyu ne nekerineg dut te lalag ni Hisus ne migkahi ran en te, “Engkey se migkahi nu, menge pisek key rema?”

Nenged-ulaula 15:5

Ugaid ne ruen menge mibperetiyaya ketà ne sakup te menge Paresiyu ne mid-itindeg se egkahi te, “Iyan iya se mebpeetus dan arà se menge etew ne kenà Hudiyanen wey medtuman dan dema te penduan ni Moises.”

Nenged-ulaula 20:31

Tembù be uram kew ne kenà niyu lipati te lusud te tetelu ne rahun ne merukilem meandew ne mibpenurù a keniyu wey midtihis se luwà ku mekeatag keniyu.

Nenged-ulaula 26:5

Neuhet en ne netuenan dan ke ed-ul-ulaan ku, ne embiya perem ebenaren dan dà ne ini se ed-ul-ulaan ku ke ed-ul-ulaan te menge Paresiyu. Ne embiya Paresiyu ne meilut nevenar se kedtumana ran te ralan te kebpengarap dey te Eleteala.

Nenged-ulaula 5:17

Ketà ne ini se Pinekemepurù te menge Terebpelengesa wey ke menge ruma rin ne menge Sadyusiyu, ne dekelà nevenar se kegkesihi ran dut te menge kedserihan, tembù be midsuhù dan

Ruma 1:18

Su impayag te Eleteala ke kegkeepes din dut te langun ne menge etew ne mid-ulaula te meraat wey mid-engkenà kandin. Su kayi te meraat ne ulaula ran ne nepekelangan dan ke ruma ran te kebpekesabut dut te penurù ne benar.

Ruma 5:9

Ne geina te mibmetidtu ki en diyà te etuvangan te Eleteala sabap dut te lengesa ni Hisus ne impetudà din keytew, ne iyan pè be kenà muna pà se kebpeliyu rin keytew dut te kedusai te Eleteala te salà tew keuremà.

1 Tiselunika 1:10

Ne ebpemenudtul dan dema mekeatag dut te kebpenareng niyu te kedlived te Anak din ne si Hisu Kristu ne egenat diyà te langit. Su si Hisus ini ke mibanew rin, ne sikandin ke ebpeliyu keyta su apey kenà kiyu edusaan te Eleteala ketà te hewii ne egkukumen din en ke kelibutan.

Hibruhanen 11:7

Engketà ded be rema ke kedsarig ni Noe te Eleteala rengan. Su sabat dut te kedsarig din ne mibperetiyaya sikandin dut te imbaag te Eleteala ne ruen rimas ne ebpekeuma, misan warà din pà mekita te iring ketà. Ne midumaan din ke lalag te Eleteala su mibeelan din en ke rekelà ne avang ne ed-ingaranan te arka ne mid-untud dan en ketà se telteleanak. Ne ketà te kinelampey kayi te dunya, ne warà dan meherà. Su sabap dut te kedsarig din te Eleteala, ne nevirangan sikandin te Eleteala ne metidtu. Ugaid ne ke ruma pà ne menge etew ne midusaan te Eleteala te kepepatey su warà dan mebperetiyaya.

Hibruhanen 6:18

Engketà be arà ne ruen deruwa ne ulaula te Eleteala ne kenà egkesembian te misan engkey en. Seveka ne ke impasad te Eleteala kenitew, ne ke ikeruwa ne impenendan din se kedtumana rin ketà impepevayà te ngaran din. Ne kayi te ini se deruwa ne mid-ulaula rin, ne netuenan tew te kenà din edsembian ke migkahi rin su ke Eleteala ne kenà teruen. Tembù be sikitew ne nekeaput en kandin, ne kenà meduwaruwa se itungan tew te kedtelimà tew rut te ebpenerengen tew kandin.

1 Juan 3:10

Tembù be egketuusan ke menge etew ne midubpù te Amey ran ne Eleteala wey ke menge etew ne anak ded ni Setanas. Su ke etew ne kenà ed-ulaula te metidtu wey warà limù din te menge ruma rin, ne kenà sikandin ke anak te Eleteala.