Mateo 28:5 - Ke meupiya ne tudtul mekeatag ki Hisu Kristu

⁵ Ugaid ne migkahi ke suluhuen kayi te menge meritan te, “Kenà kew meandek!” ke sikandin. “Su netuenan ku te ebpemengà kew ki Hisus ke inlansang dan diyà te pinebelavag ne kayu.

Mateo 28:5 ပူးပေါင်းရင်းမြစ်များ

Mateo 14:27

Ketà ne migkahi si Hisus kandan te, “Pedtihel kew te hinawa niyu su siaken ini! Kenà kew meandek!”

Mateo 28:10

“Kenà kew meandek!” ke si Hisus. “Beyai niyu ke menge edumdumaan ku ne pependiyana niyu sikandan te Geliliya ne diyan a nikandan egkekita.”

Mateo 28:4

Ne migkerker ini se menge ebantey te kegkeandek dan ne nevidtawan dan iring te minatey en.

Marcos 16:6

Ne migkahi en ini se suluhuen te, “Kenà kew meandek!” ke sikandin. “Ebpemengà kew ki Hisus ne ebpuun diyà te Nasarit ne inlansang dan te pinebelevag ne kayu, ugaid ne warè en kayi su nevanew en. Intengi niyu ma ini se midtehuan dan kandin.

Lucas 1:30

Ne migkahi ke suluhuen te Eleteala kandin te, “Kenà ka meandek, Maria, su midtuvaran ka te Eleteala.

Lucas 24:5

Ne nekelumpeng ke menge meritan te kegkeandek dan. Ne migkahi ini se deruwa ne meama te, “Meambe ke ebpemengaan niyu kayi te edlevengan te minatey arà se etew ne biviyag?

Nenged-ulaula 2:24

Ugaid ne impeliyu te Eleteala si Hisus dut te inged ne Iveyaan su mibanew rin, su kenà egkepakey ne egkeveyveyaan si Hisus te kemetayen.

Hibruhanen 1:14

Su ini se menge suluhuen te Eleteala, ne edsugsuhuen din dà iya sikandan su ebpetevangen dut te menge etew ne midtelimà dut te umur ne warà edtemanan din.