Mateo 27:62 - Ke meupiya ne tudtul mekeatag ki Hisu Kristu

⁶² Ne ketà te neketundug ne andew, ne Sepetu ini, ne mibpendiyà te ki Pilatu ke menge mepurù te terebpelengesa wey ke menge Peresiyu,

Mateo 27:62 ပူးပေါင်းရင်းမြစ်များ

Mateo 26:17

Ne ketà te egkeuna ne andew te Pista te menge Hudiyanen te Egkaan te Pan ne Warà Insawug ne Ibpelevag ne mid-uvey ki Hisus ke menge edumdumaan din se egkahi te, “Endei rey ve ini ebpegetura se idlavung te Pista te kedtanud tew te Kedsehari te Suluhuen dut te menge apù tew rengan?”

Marcos 15:42

Ne ini se kinepatey ni Hisus ne meapun te Diyemaat ne ini ke hewii te menge Hudiyanen te kebpenehana ran dut te Hewii ne Id-imeley ran. Guna su malù en edsanlep ke andew, ne nekeuma en si Jose ke ebpuun te Eremetiya.

Juan 19:14

Ne ketà ne ed-ikeremaen dà ke Pista te Kedsehari te Suluhuen ne malù en egkeudtu ke andew. Ne migkahi si Pilatu dut te menge Hudiyanen te, “Ini en ke datù niyu!”

Juan 19:31

Ne mibpendiyà ke menge Hudiyanen te ki Pilatu su ebuyuen dan te ebpenlepuan dan ke paa rut te menge etew ne impenlansang diyà te kayu su apey ran ebpatey te mehaan ne egkeawà en ke bangkey ran. Ini ke ed-ul-ulaan dan su arà en ke keepunan te Diyemaat ne ebpekesurang dut te penduan dan embiya ruen bangkey riyà te pinebelavag ne kayu dut te hewii te Sepetu ke Hewii te Id-imeley ran. Ne ini ne Sepetu ne edtenuran dan nevenar su egketuman ke Pista ran te Kedsehari te Suluhuen.

Juan 19:42

Ne geina te Diyemaat en arà ne mehaan en egkeuma ke Hewii te Ked-imeley ran wey merani rema ini se edlevengan, ne ketà dan en inleveng si Hisus.