Mateo 27:24 - Ke meupiya ne tudtul mekeatag ki Hisu Kristu

²⁴ Guna su nesebutan ni Pilatu te kenà en egkepakey ne ibpeengked ke menge etew su deisek dà ne egkehuvut en, ne migkuwa sikandin te wayig ne mibpenlùlù sikandin te velad din dutun te etuvangan te menge etew su tuus ini te kenà sikandin ebpekid-ubpu dut te ked-imetayi ki Hisus. Ke sikandin te, “Warà kediey ke egkevudsi te lengesa keniyan te etew! Keniyu rà ayan!”

Mateo 27:24 ပူးပေါင်းရင်းမြစ်များ

Mateo 26:5

“Ugaid ne iyan be kayi se kenà ta ini ed-ul-ulaan te ebpekeatuk dut te pista,” ke sikandan, “su kema ke egkekita rut te menge etew ne egkeepes dan keytew ne egkehuvut en ketà.”

Mateo 27:19

Ikeruwa rin ne gewii te kebpinuu diyà te kukuman ne ruen nekeuma ne telaan te esawa rin ne egkahi te, “Kenà ka ebpekid-ubpu dut te meraat ne idwagib dan keniyan te etew ne warà salà din. Su geina te merukilem ne ruen tehinepen ku mekeatag kandin ne nepesangan a.”

Mateo 27:23

“Meambe?” ke si Pilatu. “Engkey se meraat ne mid-ulaula rin?” Ugaid ne nasì en ne mid-iseg se kebpemensag dan te, “Ibpelansang nu sikandin diyà te ebpebelevahen ne kayu!”

Mateo 27:4

“Nekesalà a,” ke sikandin, “su impesigkem ku arà se etew ne warà salà din!” Ne migkahi ran te, “Engkey se kenami ketà? Keykew rà ayan!”

Mateo 27:54

Ne ini se kepitan wey ke menge ruma rin ne sundaru ne ebantey ki Hisus, ne nengeandek dan nevenar dut te neheram dan ke linug wey nekita ran ke langun ne ned-ulaula ketà. Ke sikandan te, “Benar ini ne Anak te Eleteala!”

Mateo 27:9

Ne ini se ned-ulaula ne netuman ke impesurat te Eleteala ki Jeremias senge etew rengan ne mibpelambas te Lalag din se egkahi te, “Migkuwa ran ke tetelu nepulù ne kureta ne pelatà, ini se mid-umpungan te menge etew te Israyil ne ibayad te ebpeimatey kandin,

Juan 13:9

Ne nekekahi si Pedro te, “Embiya ves iring ketà, ne kenà iyan nu rà lùlui ini se paa ku su misan ini se velad ku wey ulu ku rema.”

Juan 19:4

Ne midlihawang en manen si Pilatu riyà te menge etew ne migkahi te, “Ibpelihawang ku en maa sikandin kayi te keniyu su apey niyu metueni te warà iya netuen ku ne kewagib ne idselaa kandin.”

Nenged-ulaula 3:14

Metilak nevenar se atey ni Hisus wey metidtu sikandin, ugaid ne warà niyu tuhuti ne ibpeliyu sikandin ni Pilatu su nasì niyu pà buyua te iyan din ibpeliyu rut te bilengguan ke senge etew ne terevunù.

2 Kurintu 5:21

su midsuhù din si Hisu Kristu ne warà salà din te ibpevava kandin ke langun ne salà tew. Iyan kineengketaa te Eleteala ne apey ketà ebpuun te kebpekidseveka tew ki Hisus ne ruen en kebmetidtu tew riyà te etuvangan te Eleteala.

1 Pedro 3:18

Su misan si Hisu Kristu ne warà salà din ne mibpeimatey sikandin su atag dut te sikitew ne mekesesalà su apey ibpelived ta ke hinawa ta diyà te Eleteala. Keseveka rà se kinepatey rin atag dut te salà ta, ne kenà en edseupan su nepasad en. Ugaid ne misan mid-imetayan te menge etew ke lawa rin ne biviyag ded sikandin su warà mibpatey ke gimukud din,