Mateo 27:22 - Ke meupiya ne tudtul mekeatag ki Hisu Kristu

²² “Embiya iring ketà se egkiyuhan niyu,” ke si Pilatu, “ne ebmemenuwen ku be si Hisus ini se Impasad te Eleteala ne Ebperetuen te langun?” “Ibpelansang nu riyà te ebpebelevahen ne kayu!” ke se menge etew.

Mateo 27:22 ပူးပေါင်းရင်းမြစ်များ

Mateo 1:16

si Jacob ne amey ni Jose, ke esawa ni Maria ne iney ni Hisus ne ed-ingaranan ki Mesiyas, ne iyan din meana ne impasad te Eleteala ne Ebperetuen te langun.

Mateo 27:17

Guna su ruen en denda ne menge etew ne nevurun ne mid-insà si Pilatu te, “Menu, endei rapit se ibpelihawang ku, Si Barabas etawa si Hisus ke Impasad te Eleteala ne Ebperetuen te langun?”

Mateo 27:21

Ne migkahi en maa si Pilatu ke gubinedur te, “Menu, endei rapit kayi te deruwa ini se egkiyuhan niyu ne ibpelihawang ku?” “Si Barabas!” ke sikandan.

Mateo 27:23

“Meambe?” ke si Pilatu. “Engkey se meraat ne mid-ulaula rin?” Ugaid ne nasì en ne mid-iseg se kebpemensag dan te, “Ibpelansang nu sikandin diyà te ebpebelevahen ne kayu!”

Marcos 14:55

Ne ini se menge mepurù te terebpelengesa wey ke menge egkeunutan te menge Hudiyanen ne nevurun kayi, ne mibpegelep dan mibpemengà ke engkey se id-isuhat dan ne kewagib ki Hisus su apey ran egkeimetayi, ugaid ne warà netuen dan.

Juan 4:25

Ke se meritan, “Netuenan ku te ruen ebpekeuma ne Impasad te Eleteala ne Ebperetuen din te langun ne ed-ingaranan ki Kristu ke Mesiyas. Ketà te kebpekeuma rin, ne ibpesabut din keytew ke langun.”

Nenged-ulaula 13:28

Ne misan warà netuen dan ne ibenar ne salà ne dait ne ebpeimetayan si Hisus, ne mibuyù dan ki Pilatu ke gubinedur te ebpeimetayan kandin.

Nenged-ulaula 13:38

“Tembù be menge suled, langun niyu ne menge ruma ku ne kevuwaran ni Israyil, ketueni niyu ne kayi ebpuun te ki Hisus ini se lalag ne ibpesabut ku keniyu ne kebpekeliyu ta te kedusa te Eleteala keyta mekeatag dut te menge salà ta. Su piya engkey ne etew se ebperetiyaya kandin ne ebpekeliyu dut te kedusa te Eleteala kandin, ugaid ke kedtuman ta rut te menge penduan ni Moises ne kenà ebpekegaga ne ebpeliyu keyta.