Mateo 26:52 - Ke meupiya ne tudtul mekeatag ki Hisu Kristu

⁵² “Ilipi nu ke sundang nu,” ke si Hisus, “su ke etew ne ebpengimatey te sundang ne sundang ded dema ke id-imatey kandin.

Mateo 26:52 ပူးပေါင်းရင်းမြစ်များ

Mateo 5:39

Ugaid ne igkahi ku keniyu te kenà kew edsulì dut te etew ne mid-ulaula te mereatey keniyu. Upama ke ruen edtabpì te buked nu, ne kenà nu ivangen ke edtebpien din ke divaluy.

Ruma 12:19

Menge suled ku, kenà ki edsulì dut te menge etew ne mid-ulaula keytew te meraat, ugaid ne ibehey tew en ne bayàbayà te Eleteala ke engkey se ed-ul-ulaan din kandan. Su ruen impesurat ne Lalag te Eleteala ne egkahi te, “Siaken se ebayàbayà te kegkesulii kandan, uya, siaken se edsulì, ke se Kerenan tew.”

1 Tiselunika 5:15

Embiya ruen ed-ulaula keniyu te meraat ne kenà kew edsulì kandan, ugaid ne iyan niyu ul-ulaa ke engkey se meupiya diyà te langun ne menge etew.

1 Pedro 3:9

Embiya ruen etew ne ed-ulaula te meraat kayi te keyta etawa ed-undaunda keyta, ne kenà ki edsulì ugaid ne iyan ta ed-ul-ulaan diyà te kandan ne meupiya. Su ini se kiyug te Eleteala keyta ketà te kebpekeperetiyaya ta su apey kiyu rin metevangi te meupiya.

Imperayag 13:10

Ke etew ne ibpepevayà te Eleteala te egkesigkem, ne edsigkemen iya. Ne ke etew ne ibpepevayà te ebpatey te sundang, ne sundang iya se ibpatey rin. Tembù be langun tew ne sakup te Eleteala ne iyan iya se edtigker kiyu te keresayan wey idsarig ke egked-ulaula tew te Eleteala.

Imperayag 16:6

Su sikandan se mibpeimatey dut te menge etew ne mibperetiyaya keykew, wey ke mibpelambas te Lalag nu rengan. Tembù be lengesa se ibpeinum nu kandan guntaan su ini se edait ne idsulì kandan.”