Mateo 26:32 - Ke meupiya ne tudtul mekeatag ki Hisu Kristu

³² Ugaid,” ke si Hisus, “ne embiya egkevanew ad, ne ed-una ad keniyu riyà te inged ne Geliliya.”

Mateo 26:32 ပူးပေါင်းရင်းမြစ်များ

Mateo 16:21

Igenat dè be ketà ne mibpehayan en ni Hisus ke menge edumdumaan din mekeatag te egketemanan din. Ke sikandin te, “Iyan iya se ebpekependiyan a te inged ne Hirusalim ne edresayen a nevenar su ebpeheweran a te menge pekilukesen te Hudiyanen, menge mepurù te terebpelengesa, wey ke menge meyterù te penduan. Ed-imetayan a, ugaid ne ketà te iketelu ne hewii ne egkevanew e red.”

Mateo 20:19

ne arà ne ibpalad dan diyà te menge etew ne kenà Hudiyanen, ne ed-undaunda kandin, ebpenlambit kandin, arà pà ne ed-imetayan. Ugaid ne ketà te iketelu ne hewii ne egkevanew red sikandin.”

Mateo 26:33

Ne migkahi si Pedro te, “Misan edtehaken ka rut te langun dan, ne siaken ne kenà!”

Mateo 28:10

“Kenà kew meandek!” ke si Hisus. “Beyai niyu ke menge edumdumaan ku ne pependiyana niyu sikandan te Geliliya ne diyan a nikandan egkekita.”

Mateo 28:16

Ne ini se sepulù wey seveka ne edumdumaan ni Hisus, ne mibpendiyà dan te Geliliya ketà te buvungan ne migkahi ni Hisus kandan.

Marcos 14:28

Ugaid,” ke si Hisus, “embiya egkevanew ad, ne ed-una ad keniyu riyà te inged ne Geliliya.”

Marcos 16:7

Na, ipanew kew en ne penudtula niyu ve riyà te menge edumdumaan din abpeg ki Pedro te, ‘Si Hisus ne ed-una en keniyu riyà te Geliliya, ne riyà niyu en egkekita sikandin su arà ke impasad din rengan keniyu.’”

1 Kurintu 15:6

Neipus arà ne mibpekita sikandin diyà te nevurun ne menge sakup din ne labi lelima nehatus. Ruen en minatey kandan, ugaid ne taman guntaani ne merakel pà kandan se biviyag.