Mateo 25:41 - Ke meupiya ne tudtul mekeatag ki Hisu Kristu

⁴¹ “Ne ketà ne egkehiyan din ke menge etew kayi te egkehivang din te, ‘Sikiyu ne mibpenrewakan te Eleteala su nesuhat kew te sakit te hinawa rin, awà kew kayi te kediey! Pendiyà kew te apuy nerakà ne kenà egkeevukan ne impenehana ki Setanas ke datù te pekaid wey ke menge sakup din.

Mateo 25:41 ပူးပေါင်းရင်းမြစ်များ

Mateo 13:40

Ne arà se utan ne ebpemeruten ne ebinsulan dan, ne arà ke egketemanan dut te sakup te egkeunutan te busew kayi te ketepusan te kelibutan.

Mateo 13:42

ne ibpeantug diyà te apuy nerakà. Ne ketà dan ebpekependerawit wey ebpekengingitel.

Mateo 13:50

Ne ini se menge meraat ne etew ne ibpeantug diyà te apuy nerakà, ne ketà dan ebpekependerawit wey ebpekengingitel.”

Mateo 18:8

“Embiya iyan ebpekepeneheewit keykew te kebpekedsalà nu ke belad nu etawa paa nu, ne tempera nu ne itimbag nu! Su iyan pà tumù ne egkesarir ka tumin dè be ke deruwa red ke velad nu wey paa nu ne igkeantug ka diyà te apuy nerakà.

Mateo 25:42

Su nevitil a ne warà a niyu behayi te egkekaan, ne nemeraan a ne warà a niyu peinuma.

Mateo 25:46

“Tembù be,” ke si Hisus, “ini se menge etew ne ibpependiyà te apuy nerakà su edusaan te warà edtemanan din. Ne ini se menge metidtu ne ibpependiyà te surugà su ruen umur dan ne warà edtemanan din.”

Mateo 3:12

Geina te ibpesivey rin ke menge etew ne ebperetiyaya rut te menge etew ne kenà ebperetiyaya,” ke si Juan, “ne iring sikandin te etew ne ruen teluung din su ed-ukap ne ibpelayap din ke ukap rut te rimahas. Ke rimahas ne idtahù din diyà te patil, ne ke ukap ne ebinsulan din te apuy ne kenà egkeevukan.”

Mateo 4:10

Ne migkahi si Hisus te, “Awà ka kayi, Setanas! Duen impesurat ne Lalag te Eleteala ne egkahi te, ‘Iyan niyu rà erapa ne Kerenan ne Eleteala niyu, ne sikandin dà se edsenguren niyu.’ ”

Mateo 5:22

Ugaid ne igkahi ku keniyu te piya entei ne egkeepes te ruma rin ne egkesuhat dema te kukuman. Ne piya entei ne egkahi te ruma rin te, ‘Warà itungan nu!’ ne ebpeneheewitan sikandin diyà te punggus en dut te kukuman. Ne piya entei ne egkahi te ruma rin te, ‘Buneg ka ne warà rantek nu!’ ne dait ne ebpekednerakà sikandin.

Mateo 7:23

Ugaid ne iyan ku igkahi kandan te, ‘Sikiyu ne meraat se ulaula, kenà ku egketuenan sikiyu. Awà kew kayi!’ ”

Lucas 13:27

“Ugaid ne edtavak maa sikandin te, ‘Kenà ku iya egketuenan ke endei kew ebpuun. Awà kew kayi te kediey, sikiyu ne menge etew ne meraat se ulaula niyu!’ ke se kemuney te valey.

Lucas 16:24

Ne midtawag din en si Abraham se egkahi te, ‘Apù Abraham, ikeyru a nevenar nikuna! Ipepengkayi nu pà si Lazaro su apey rin egkepetihisi ini se bèbà ku te wayig su egkerasey ad nevenar kayi te apuy.’

Juan 8:44

Su ke datù ma te pekaid se amey niyu ne iyan niyu edumaan ke kandin ne kiyug. Terebunù sikandin te aney en, ne edsungkanger dut te benar su iyan dè ma nekepenù te bèbà din ne tarù. Embiya edlalag sikandin ne tarù su edumaan din ke kandin ne kiyug, su teruen ma sikandin ne apù sikandin te tarù.

2 Tiselunika 1:7

Su ebpekeuma ke hewii ne ibpeengked te Eleteala ke keresayan ne egkeheram ta guntaani, su ebpeimelayen ki ketà te kedlived ni Hisus kayi ne edumaan dut te mekegehem ne suluhuen din.

2 Tiselunika 1:9

Ne ke kedusa kandan ne ibpeawà dan dut te etuvangan te Eleteala ne edresayen dan nikandin taman te taman su kenà dan egkekita ke kepurù din ne warà ebpekerepeng.

Hibruhanen 6:8

Ugaid ne embiya iyan dà edtuvù se ilemunen wey ruhiyen ne sagbet, ne warà pantag din arà se tanà. Arà be ne edereetan te Eleteala su ebinsulan din iring dut te ibped-ulaula rin te etew ne mid-iniyug se peretiyaya rin te Eleteala.

2 Pedro 2:4

Uya, benar ne edusaan te Eleteala sikandan su midusa rin ke menge etew rengan ne mid-ulaula te meraat. Su misan ke menge suluhuen din diyà te langit ne nekedsalà dengan ne warà din pedtedaya, ugaid ne in-antug din sikandan diyà te apuy nerakà ne ebekuen dan te sengkalì diyà te mermerusirem taman te ebpekeuma ke hewii te kedusa kandan te Eleteala.

1 Juan 3:10

Tembù be egketuusan ke menge etew ne midubpù te Amey ran ne Eleteala wey ke menge etew ne anak ded ni Setanas. Su ke etew ne kenà ed-ulaula te metidtu wey warà limù din te menge ruma rin, ne kenà sikandin ke anak te Eleteala.