Mateo 25:14 - Ke meupiya ne tudtul mekeatag ki Hisu Kristu

¹⁴ Ne mibpenempità pà maa si Hisus te, “Ini se kedlived ku kayi te ampew te dunya ne ebpekeiring te senge etew ne mibpendiyà te meriyù ne inged. Ne ketà te warà pà mekehenat ne midtawag din ke menge edsugsuhuen din ne insarig din kandan ke kearen din.

Mateo 25:14 ပူးပေါင်းရင်းမြစ်များ

Mateo 21:33

“Pemineg kew pà,” ke si Hisus, “te ruma pà ne sempità ku. Ruen senge etew ne ruen tanà din ne mibpemulaan din te wahed ne ed-ingaranan te paras. Ne mid-alad din arà, ne mibaal te edtehuan dut te egkekeres ne bahas te paras, ne midsebungan din te ebpeubpaan dut te ebpeventayen din. Ne ruen pinekamal din dut te impemula rin, ne arà pà ne mid-ipanew se ebpendiyà te meriyù ne inged.

Marcos 13:34

Su ini se hewii te kedlived din kayi ne iyan ta ed-upamaan ne etew ne mid-ipanew riyà te meriyù ne inged ne warà din kehiya ke keenu ed-ulì. Ne ruen sugsuhuen din ne pinetuganur din te valey rin te warà pà migenat, ne ruen helevek ne imbehey rin te uman seveka. Ne migkehiyan din ke tumetameng te eheran te mebpekevantey nevenar.

Lucas 20:9

Ne ruen sempità ne imperineg ni Hisus riyà te menge etew, ke sikandin te, “Duen senge etew ne ruen tanà din ne mibpemulaan din te wahed ne ed-ingaranan te paras. Ne ruen pinekamal din dut te impemula rin, ne arà pà ne mid-ipanew en se ebpendiyà te meriyù ne inged ne ketà pà ed-ubpà te meuhet.

1 Kurintu 12:4

Ugaid ne mekeatag te menge ketau ne imbehey te Kedesenan ne Ebpetuntul te Menusiyà te menge etew te Eleteala, ne ruen merakel te edsusunan din ugaid ne seveka rà se mibehey kandan su ke Kedesenan dà ne Ebpetuntul te Menusiyà.

1 Kurintu 3:5

Na maa engkey key? Su sikami ki Epulus ne etew red ne midsuhù te Eleteala su apey kew ebpekeperetiyaya kandin. Su sikami ne edtuman key rà dut te ibpehelevek te Eleteala kenami.

Ipisu 4:11

Su sikandin se mibehey te ketau te langun ne menge etew rin su apey iyan dan ed-ul-ulaan ne ke kiyug din. Ruen mibehayan din te helevek ne egkevaluy ne menge kedserihan din, ruma ne mibaluy rin ne ebpelambas te Lalag te Eleteala. Ruen ruma ne mibehayan din te ketau te ebpesabut dut te Meupiya ne Tudtul mekeatag ki Hisu Kristu. Ne ruen duma rema ne mibehayan din te ketau te ebpeneheewit te menge mibperetiyaya en wey ebpemenurù kandan.