Mateo 25:12 - Ke meupiya ne tudtul mekeatag ki Hisu Kristu

¹² “Ugaid ne migkahi ke kenakan ne ibpengesawa te, ‘Kenà, su kenà ku egketuenan sikiyu.’

Mateo 25:12 ပူးပေါင်းရင်းမြစ်များ

Mateo 25:11

“Ne iseg-iseg ne nekeuma en ini se lelima ne menge raha ne lengab ne mibpenehetiat dan en se egkahi te, ‘E, Mama, pelusura key.’

Mateo 25:13

“Iring kayi,” ke si Hisus, “ke ed-ul-ulaan te menge etew ketà te kedlived ku kayi, tembù be layun kew pempenehana su warà niyu metueni ke hewii etawa endei egketahù ke andew te kebpekeuma ku.”

Lucas 13:25

Su ke kemuney te valey se ebpendiyà te gumawan su ebpintuan din ne riyà kew rà te liyu se edtawag te, ‘Mama, bukai key pà te lekeb.’ “Ugaid ne iyan din egkehiyen se, ‘Kenà ku egketuenan ke endei kew ebpuun.’

Juan 10:27

Su ke menge etew ku ne timbang te bilibili ku,” ke si Hisus “ne ebpemineg dan kedì su egkekilala ren ma ke suwara ku. Egkekilala ku sikandan ne eduma ran kedì.

Juan 9:31

Netuenan tew te kenà ebpemineg ke Eleteala rut te etew ne belisalà, ugaid ne iyan din ebpeminehen ke etew ne ed-adat kandin wey edtuman te kiyug din.

1 Kurintu 8:3

Ugaid ne ke etew ne rekelà se limù din te Eleteala, ne ibpekita te Eleteala te sikandin en ke anak din.

Gelasiya 4:9

Ugaid ne gunteani te netuen niyu en ke tidtu ne Eleteala, ne netuen kew rin en dema, ne meambe ke egkiyug kew ne edlived ne eduma ketà te kiyug dut te tumitimà ne warà gehem din te ebpeliyu keykew? Meambe ke egkiyug kew te edlived ne uripen din?

2 Timoteo 2:19

Ugaid ke tidtu ne penurù te Eleteala ne insevetad din ne kiter ne kenà en iya ebparin. Su ruen imbe kayi ne lalag din ne egkahi te netuenan din ke langun ne mibpekidseveka kandin. Ne ruen pà maa lalag din ne egkahi te embiya egkahi ka te mibpekidseveka ka kandin, ne kenà nu en imbe surii ke meraat ne betasan nu.