Mateo 22:9 - Ke meupiya ne tudtul mekeatag ki Hisu Kristu

⁹ Pekehaan kew tuntula niyu ke menge meluag ne dalan ne ebpevayaan te merakel ne etew ne inggata niyu ke langun ne menge etew ne egkeuma niyu te ibpetelavuk kayi te kevurunan.’

Mateo 22:9 ပူးပေါင်းရင်းမြစ်များ

Mateo 20:7

“‘Su warà ebpehelevek kenami,’ ke sikandan. “Ne migkahi sikandin kandan te, ‘Gelevek kew rema diyà te pemulaan ku.’

Mateo 22:10

Ketà ne mibpendiyà ke menge edsugsuhuen ne midtuntul dan ke dalan, ne langun ne neumaan dan ne meupiya se ulaula rin etawa meraat ne mid-inggat dan te edtelavuk te kevurunan. Guna su nekeuma ran, ne nepenù en ke baley dut te egkewingan.

Mateo 22:8

“Ne midtawag din ini se menge edsugsuhuen din ne migkahi te, ‘Nekepehendad en ke ibpekaan ku te kevurunan te kegkawing te anak ku, ugaid ne arà se menge etew ne mid-inggat ku ne kenà dan ebpekekaan su mid-engkenà dan dut te kineinggat ku kandan.

Lucas 24:47

Ne kayi te kebpatey rin wey kayi te kebanew te Eleteala kandin,” ke se impesurat ne Lalag te Eleteala, “ne kayi ve imbe ne ruen kebpesahad te Eleteala te keberedusaan dut te menge etew ne ebpedsendit ne ed-engkenà te meraat ne ulaula ran. Ini se ieneb niyu te ebpesabut diyà te langun ne menge inged kayi te ampew te dunya. Kayi niyu irudsù te Hirusalim.

Nenged-ulaula 13:47

Su ini rema ke insuhù te Kerenan ne ebpeveelan kenami ne ingkesurat ne Lalag din ne egkahi te, ‘Iring kew te menge sulù ne intahù ku ne ebpekevehey te rayag dut te menge etew ne kenà Hudiyanen, su apey ebpekeuma ini se Meupiya ne Tudtul diyà te epat ne pediyulu te dunya te siaken se ebpekepeliyu te menge etew rut te kedusa te Eleteala kandan!’ ”

Ipisu 3:8

Su misan siaken se pinekemevavà dut te langun ne etew rin, ne siaken ded se mibpurut din te ebpesabut diyà te sikiyu ne kenà Hudiyanen kayi te Meupiya ne Tudtul ne kenà egketembu se taman ne keupiya rin.

Imperayag 22:17

Ketà ne ke Kedesenan ne Ebpetuntul te Menusiyà wey ke menge etew ne mibperetiyaya ne in-upama rut te ed-esawaan te Nati te Bilibili ne ed-umew ran se egkahi te, “Kayi kew en su apey kew ebpekeamung.” Iring ded dema ke langun ne nekerineg kayi ne iyan iya se med-umew ran dema se egkahi te, “Kayi kew en.” Langun niyu ne ed-umew ran keniyu su apey piya engkey keniyu ne ebpekeinum ne egkiyug ne ed-inum kayi te wayig ne mebpengkayi su ibehey ini dè duen, ne ebehey te umur ne warà edtemanan din.