Mateo 22:12 - Ke meupiya ne tudtul mekeatag ki Hisu Kristu

¹² ‘Mama,’ ke se datù, ‘engkey se kinepekelusud nu kayi te warà ka mibevelegkas te idtelavuk te kewingan?’ Ugaid ne warà migkahikahi ke meama.

Mateo 22:12 ပူးပေါင်းရင်းမြစ်များ

Mateo 20:13

“Ne migkahi en ini se kemuney te, ‘Suleren, warà a midlimbung keniyu, su migkiyug kew ma ne egelevek dut te andang ne sukey te senge hewii.

Mateo 26:50

Ne migkahi si Hisus te, “Suled, degdehawi nu en ini se impengkayi nu!” Ketà ne migeweran dan en si Hisus ne midsigkem dan en, ne midesdesenan dan te egawed.

Mateo 5:20

Su idtarem ku keniyu,” ke si Hisus, “wey kew rà ebpekeamung diyà te menge etew ne Edetuan te Eleteala diyà te langit embiya iyan kew pà metidtu diyà te etuvangan din dut te menge meyterù te penduan wey menge Peresiyu.”

Ruma 3:19

Na, nesebutan tew langun te iyan kinepesurat te Eleteala te penduan din su apey ke menge etew ne egkevehayan ketà ne ebperumaruma ran. Tembù be warà ralan te misan senge etew rà ne ebpekeparew ketà te kegkukum te Eleteala keytew su misan duen penduan te Eleteala kayi te keytew ne warà tew rumai.

1 Kurintu 4:5

Engketà be ne kenà kew edsawey te ruma niyu su warà pà mekeuma ke hewii te kegkukum. Ne ketà te hewii ne edlived si Hisu Kristu ne sikandin se ebpayag te langun ne ulaula te menge etew ne in-eles dan te merusirem. Ne ibpekita rin dema ke nekeeles ne itungan te menge etew ne warà pà metueni, ne ketà be ne egketuenan te uman senge etew ke embiya egkereyù be sikandin te Eleteala etawa kenà.

Tito 3:11

Su ketà ne egketuenan nu ne nereetan en se itungan din ne eberedusaen sikandin, ne ke salà din se tuus te nekesuwey sikandin.