Mateo 21:40 - Ke meupiya ne tudtul mekeatag ki Hisu Kristu

⁴⁰ “Na,” ke si Hisus, “ketà te ked-ulì dut te kemuney te tanà, ne engkey ve se ibped-ulaula rin dut te pinekamal din?”

Mateo 21:40 ပူးပေါင်းရင်းမြစ်များ

Mateo 21:34

Guna su midsabpet en ke pinemula rin, ne midsuhù din ke menge edsugsuhuen din su ibpekuwa ke kandin ne umun.

Mateo 21:39

Arà dà ne migeweran dan ne miguyud dan diyà te luwal dut te pemulaan ne mid-imetayan dan en.

Mateo 21:41

Midtavak dan te, “Ebeyaan din arà se menge meraat ne etew ne ebpengimetayan din ne ebpekemalan din te ruma ne etew ne ebehey kandin te umun din ke egkeuma te kedsebpet.”

Marcos 12:9

“Na geina te iring kayi,” ke si Hisus, “se mid-ulaula rut te pinekamal dut te pemulaan, engkey ve se ed-ul-ulaan dut te kemuney ketà te pinekamal din? Idtarem ku keniyu te ebayaan din arà se menge etew ne ebpengimetayan din, ne ebpelemalan din te ruma pà ne menge etew.”

Hibruhanen 10:29

Ne embiya iring ketà se egketemanan dut te etew ne midsurang dut te penduan ni Moises, ne labi pà se kedusai rut te etew ne ed-engkenà ki Hisus ke Anak te Eleteala! Su ketà ne impekita rin se warà din peberepentaha ke lengesa ni Hisus ne imbehey te kinepatey ni Hisus su apey egketuman ke behu ne pasad te Eleteala ne ebpeketilak dut te salà din. Uya, labi pà se kedusai kandin su iring te pinegkeyà din ke Kedesenan ne Ebpetuntul te Menusiyà ke ebpayag dut te tavang te Eleteala kenitew.