Mateo 21:28 - Ke meupiya ne tudtul mekeatag ki Hisu Kristu

²⁸ Mibpenurù pà maa si Hisus te, “Peg-pegitunga niyu ke engkey se meana rin ini se sempità ku. Duen senge etew ne deruwa se anak din me meama. Mid-uvey rin ini se kakey ne migkahi te, ‘Gelevek ka, Mama, diyà te pemulaan ta.’

Mateo 21:28 ပူးပေါင်းရင်းမြစ်များ

Mateo 17:25

“Uya,” ke si Pedro. Guna su mibpemenayik en si Pedro diyà te baley ne mid-unaan en ni Hisus te egkahi te, “Diyà te itungan nu, Pedro, entei se ebayad te buwis diyà te egkamal te inged kayi te ampew te dunya? Engkey, ke mehinged kayi te inged din etawa ke riyà ebpuun te meriyù?”

Mateo 20:1

Ne mibpenempità si Hisus se egkahi te, “Ini se Kedatù te Eleteala te menge etew ne iring kayi. Ruen senge etew ne meluag se impemula rin ne wahed ne ed-ingaranan te paras. Mibpaneypaney ini se kemuney se ebepemengà te edsukeyan din ne egelevek kayi te pemulaan din.

Mateo 21:27

Ketà be ne midtavak dan ki Hisus te, “Kenà dey egketuenan.” Ne migkahi rema si Hisus kandan te, “Embiya iring ketà, ne kenà ku rema egkehiyen ke engkey se mibehey kedì te kewagib te mid-ulaula kayi.”

Mateo 21:29

“‘Ah, kenà a!’ ke se anak din. Ugaid ne nekepegpegitung ded ne ketà ne mibpendiyà te pemulaan dan.

Mateo 21:33

“Pemineg kew pà,” ke si Hisus, “te ruma pà ne sempità ku. Ruen senge etew ne ruen tanà din ne mibpemulaan din te wahed ne ed-ingaranan te paras. Ne mid-alad din arà, ne mibaal te edtehuan dut te egkekeres ne bahas te paras, ne midsebungan din te ebpeubpaan dut te ebpeventayen din. Ne ruen pinekamal din dut te impemula rin, ne arà pà ne mid-ipanew se ebpendiyà te meriyù ne inged.

Mateo 22:17

Kehiya nu kenami ke engkey se pegitungan nu kayi te id-insà dey kenikew. Maa ibpekerimpas kiyu ve dut te penduan tew embiya ebayad ki te buwis riyà te ratù tew diyà te inged ne Ruma, etawa kena?”

Marcos 13:34

Su ini se hewii te kedlived din kayi ne iyan ta ed-upamaan ne etew ne mid-ipanew riyà te meriyù ne inged ne warà din kehiya ke keenu ed-ulì. Ne ruen sugsuhuen din ne pinetuganur din te valey rin te warà pà migenat, ne ruen helevek ne imbehey rin te uman seveka. Ne migkehiyan din ke tumetameng te eheran te mebpekevantey nevenar.

Lucas 13:4

Ne menu arà se sepulù wey walu ne menge etew riyà te Siluwi,” ke si Hisus, “ne mibpematey ne nepilayan te metmetikang ne valey, maa iyan niyu kunaan ke muna pà se keselaan dan dut te ruma ne menge etew te Hirusalim?

1 Kurintu 10:15

Su sikiyu ne metau kew en ne ebpegitung, tembù be ruen ini se egkehiyen ku ne pegpegitunga niyu ini.

1 Kurintu 15:58

Engketà be arà menge suled ne rekelà te hinawa ku, ne itindehi niyu te mevaher ke kebperetiyaya niyu dut te Kerenan tew ne si Hisu Kristu ne kenà niyu perina ke itungan niyu misan duen penggeram ne ebpekeuma kayi te keniyu. Ne pegelepi niyu te edtuman ke kiyug din su netuenan tew te ruen keupiya rin ke langun ne ed-ul-ulaan tew diyà te kandin.