Mateo 21:16 - Ke meupiya ne tudtul mekeatag ki Hisu Kristu

¹⁶ Tembù be migkehiyan dan si Hisus te, “Menu, nerineg nu red ayan se migkahi ran?” “Nerineg ku,” ke si Hisus. “Ne maa, warà niyu bes mevasa ke impesurat ne Lalag te Eleteala ne egkahi te, ‘Misan ke deisek ne menge vatà ne mibpenurù te Eleteala te edeyù kandin.’ ”

Mateo 21:16 ပူးပေါင်းရင်းမြစ်များ

Mateo 11:25

Ne ketà ne mibpengeningeni si Hisus se egkahi te, “Ew Amà, sikuna ke Kerenan diyà te langit wey kayi rema te ampew te dunya. Dekelà se kebpeselamat ku kenikew su impayag nu ke ketau nu rut te menge etew ne warà egketùtuenan din, ne in-eles nu ini se ketau nu rut te menge etew ne dekelà se netuenan din.

Mateo 12:3

Ne migkehiyan ni Hisus sikandan te, “Maa, warà niyu ves mevasa ke impesurat te Eleteala mekeatag te mid-ulaula ni David, ke ratù tew rengan? Su ruen hewii ne sikandin wey ke menge sundaru rin ne nengevitil dan.

Mateo 19:4

Migkahi si Hisus te, “Meambe, warà niyu ves mevasa ke impesurat ne Lalag te Eleteala ne egkahi te, ‘Inggenat te aney en ne midlimbag te Eleteala ke meama wey meritan?’

Mateo 22:31

Ne ini se id-insà niyu mekeatag te kegkevanew te menge minatey, ne maa warà niyu ves mevasa ke migkahi te Eleteala keniyu kayi te impesurat din? Su migkahi te,

Marcos 13:17

Ne egkeyruwan ke menge meritan ne mehingey te arà ne hewii wey ke menge meritan ne edseruru.

Marcos 2:25

Ne migkehiyan ni Hisus te, “Maa, warà niyu mevasa ke impesurat te Eleteala mekeatag te mid-ulaula ni David, ke ratù tew rengan? Su ruen hewii ne mibpelahuy si David wey ke menge ruma rin dut te menge kunterà dan ne nengevitil dan.

Lucas 21:23

Egkeyruwan ke menge meritan ne mehingey te arà ne hewii wey ke menge meritan ne edseruru. Su ruen kemeresayan ne ebpekedabak kayi ne inged, ne ed-isuhaten en te Eleteala te kegkeepes din ke menge Hudiyanen ne egkunterà kandin.