Mateo 20:30 - Ke meupiya ne tudtul mekeatag ki Hisu Kristu

³⁰ Ne diyà te kilid te ebpevayaan dan ne ruen deruwa ne meama ne pisek ebpimpinuu. Guna su nerineg kayi te deruwa ne pisek te edsahad si Hisus ne midtawag dan te, “Igkeyru key nikuna! Su sikuna ke inenakan dut te datù tew rengan ne si David!”

Mateo 20:30 ပူးပေါင်းရင်းမြစ်များ

Mateo 13:4

Ne ketà te kinesawed din ne ruen benì ne nengeulug diyà te kilid te ralan ne midtuktuk en te menge pepenuk.

Mateo 15:22

Ne ruen nekeubpà ketà ne meritan ne riyà ebpuun te inged ne Kenaan ne midtelavuk ki Hisus. “Kerenan, sikuna ne inenakan ni David,” ke sikandin, “igkeyru a nikuna! Su ruen anak ku ne meritan ne midsuukan te busew ne egkepesangan nevenar.”

Mateo 20:31

Ke merakel ne menge etew ketà se midawey kandan te mebpeeneng-eneng dan ugaid ne lemban en ne egkeilut se ebpemensag te, “Kerenan, igkeyru key nikuna! Su sikuna ke inenakan dut te datù tew rengan ne si David!”

Mateo 21:14

Ne gewii te diyà si Hisus te Nekebpuru ne Valey te Eleteala ne mid-uvey kandin ke menge pisek wey menge pungkù ne neulian din.

Mateo 21:9

Ne ke menge etew ne mid-una ki Hisus wey engketà ded ke midtundug kandin ne migkerag te, “Edeyuen tew ke inenakan ni David! Menu ma ke ebpeneuven te Eleteala ini se midtendù din ne edatù te langun! Edeyuen tew ke Eleteala!”

Mateo 22:42

“Menu, engkey se pegitungan niyu mekeatag dut te Mesiyas, ini se Impasad te Eleteala rengan ne Ebperetuen te langun? Engkey ki inenakan sikandin?” “Inenakan sikandin dut te ratù tew rengan ne si David,” ke sikandan.

Marcos 10:46

Nekeuma en si Hisus wey ke menge edumdumaan din diyà te Hiriku. Ne guna su ed-awà dan en ne merakel ne menge etew se mibpenduma kandan, ne kayi te kelid te ebpevayaan dan ne ruen meama ne pisek ne ebpinpinuu su ebpemuyù ne ed-ingaranan ki Bertimeo, anak ni Timiyu.

Lucas 4:18

“Ke Kedesenan ne Ebpetuntul te Menusiyà ne riyà ebpuun te Kerenan ne Eleteala ne midlumun en kediey, ne mibpemilì a te Kerenan ne Eleteala su apey ku ibpesabut dut te menge etew ne ayuayu ke Meupiya ne Tudtul. Ne mibpeveyaan din kedì apey ku mepenudtuli te egkevelukasan ke menge etew ne nevakù ni Setanas; ne ebpengeulian ke menge pisek su apey ran ebpekekita; ne ebpelihawang dut te menge edtekutaken.

Lucas 7:21

Ne arà dema ne hewii ne ruen merakel ne etew ne neulian ni Hisus dut te menge daru ran wey menge sakit. Mibpenegseg din ke menge vusew ne edamung-amung kandan, ne impeulit din ke kebpekekita rut te menge pisek.

Nenged-ulaula 2:30

Senge etew si David ne ebpelambas te Lalag te Eleteala rengan, ne netuenan din ke impasad te Eleteala kandin. Su iyan impasad kandin te Eleteala ne mevaher ne ruen senge etew ne kevuwaran ni David ne egkevaluy ne ratù keuremà iring kandin.