Mateo 20:3 - Ke meupiya ne tudtul mekeatag ki Hisu Kristu

³ “Guna su edluuk en ebpemenayik ke andew ne midlived pà ke kemuney diyà te pedian ne ruen nekita rin ne ebpimpinuu su warà helevek din.

Mateo 20:3 ပူးပေါင်းရင်းမြစ်များ

Mateo 20:2

Guna su ruen en nekita rin ne in-upakat din en te edsukeyan din te senge elad ne pelatà su arà ke nelayaman ne sukey te senge hewii, ne pinehelevek din en kayi te pemulaan din.

Mateo 20:4

Tembù be migkahi ini se kemuney te, ‘Gelevek kew rema diyà te pemulaan ku ne edsukeyan ku sikiyu te sesangan.’

Marcos 15:25

Ne ketà ne menge siyew en ne uras te keseleman te kedlansang dan ki Hisus.

Nenged-ulaula 16:19

Guna su nesehipà dut te menge tehiuripen kandin se kenà dan en ebpekepentiyari te kureta ketà te helevek dut te meritan, ne midsigkem dan si Pablo ki Silas ne miguyud dan te ebpendiyà te menge perekukum te inged dan.

Nenged-ulaula 2:15

Iyan niyu kunaan ne netevereg en ini se menge ruma ku, ugaid ne kenà egkepakey su edluuk pà ebpemenayik ke andew.

1 Timoteo 5:13

Ketà be ne kenà meupiya embiya ini se egketevangan su kalu ke ebpehulen ne ebpemedlakit diyà te idsehumbelayà. Ne kenà arà dà su egkevaluy ran ne serupeten wey ebpemedlakit, ne ebpenlalag te kenà dait ne egkelalag dan.

Hibruhanen 6:12

Tembù be kenà kew ebpepepehul te keduma niyu te Eleteala, ugaid ne iringi niyu ke ulaula te menge etew ne mevaher se sarig dan te kedtehad dan dut te impasad te Eleteala kandan.