Mateo 20:22 - Ke meupiya ne tudtul mekeatag ki Hisu Kristu

²² “Matag niyu en ini ebuyua,” ke si Hisus, “ne warà niyu mesebuti an se ebuyuen niyu. Maa, ebpeketigker kew ve dut te kemeresayan ne mehaan ku en ibpevayà?” “Uya,” ke sikandan, “egketigkeran dey.”

Mateo 20:22 ပူးပေါင်းရင်းမြစ်များ

Mateo 26:35

Ugaid ne migkahi si Pedro te, “Kenà a ebpekekahi te iring ketà te kenà ki teleduma misan ebpekeunung a keykew te ed-imetayan!” Ne langun dut te menge edumdumaan ni Hisus, ne engketà ded dema se migkahi ran.

Mateo 26:39

Ne midlaus pà sikandin diyà te unaan dan ne midlangkeb en se ebpengeningeni te Eleteala te, “E, Amà, embiya egkepakey keniyan te kenikew, ne ipesahad nu en kediey ini se keresayan ku! Ugaid ne misan iring en ketà se kiyug ku, ne iyan nu tumana ke keykew ne kiyug.”

Mateo 26:42

Ne mid-awà en maa si Hisus ne midsaup mibpengeningeni se egkahi te, “E, Amà, embiya kenà egkepakey ne ibpesahad kediey ini se keresayan ku, ne metuman en.”

Mateo 26:56

Ugaid ne egked-ulaula ini langun su apey egketuman en ke Lalag te Eleteala ne impesurat dut te menge etew ne mibpelambas te lalag din dengan.” Arà dà ne mibpelahuy en ke menge edumdumaan din ne intahak dan en sikandin.

Marcos 14:36

Ne ini se migkahi rin te kebpengeningeni rin, “Amà, su sikew se Amey ku, netuenan ku te egkegaga nu ke langun! Ne embiya egkiyug ke rà ne iawà nu ini se keresayan ku, ugaid ne misan iring en ketà se kiyug ku ne iyan nu tumana ke keykew ne kiyug.”

Lucas 12:50

Dekelà pà se kemeresayan ne ibpevayà ku ne warà pà mekeuma kediey. Iring a te ebpekeutuk te langit taman kenà ku mepasad ini.

Lucas 22:42

Ke sikandin te, “Amà, netuenan ku te egkegaga nu ke langun! Ne embiya egkiyug ke rà ne iawà nu ini se keresayan ku, ugaid ne misan be engketà ke kiyug ku ne ipelevundus nu se keykew ne kiyug.”

Juan 18:11

Ne midawey ni Hisus si Pedro se egkahi te, “Ilipi nu ayan se sundang nu! Su engkey, iyan nu kunaan ke kenà ku egkegaga te edtigker ke kemeresayan ne imbehey kedì te Amey ku?”

Ruma 8:26

Ne kenà arà dà se egkepenareng tew ne ebpeketavang kayi te kebmeluvey tew su ke Kedesenan ne Ebpetuntul te Menusiyà se ebpeketavang keytew rema. Upama ke ebpengeningeni ki te Eleteala ugaid ne kenà tew egketuenan ke engkey se kebuyù tew, ne ke Kedesenan ne Ebpetuntul te Menusiyà se ebpemuyù keytew diyà te etuvangan te Eleteala su sikandin se ebpesabut ke engkey se netahù te hinawa tew ne kenà tew en egketuenan te edlalag.

Santiago 4:3

Ne misan Eleteala se ebuyuan niyu, ne kenà kew ebehayan su kenà meupiya se ebpeetahan niyu su ke ebuyuen niyu ne ibpatà niyu rà te nanam.