Mateo 20:1 - Ke meupiya ne tudtul mekeatag ki Hisu Kristu

¹ Ne mibpenempità si Hisus se egkahi te, “Ini se Kedatù te Eleteala te menge etew ne iring kayi. Ruen senge etew ne meluag se impemula rin ne wahed ne ed-ingaranan te paras. Mibpaneypaney ini se kemuney se ebepemengà te edsukeyan din ne egelevek kayi te pemulaan din.

Mateo 20:1 ပူးပေါင်းရင်းမြစ်များ

Mateo 13:24

Ne mibpenurù si Hisus te seveka maa ne sempità, ke sikandin te, “Ke Kedatù te Eleteala rut te menge etew ne iring te etew ne mibpesawed te meupiya ne benì diyà te pengengewiran din.

Mateo 13:31

Ne mibpenurù maa si Hisus te ruma pà ne sempità. “Ini se Kedatù te Eleteala kayi te menge etew,” ke sikandin, “ne ebpekeiring te merimet nevenar ne lahas ne ed-ingeranan te Mustasa ne ibpemula te etew.

Mateo 13:33

Ne mibpenurù pà lavew si Hisus te ruma pà ne sempità. Ke sikandin te, “Ini se Kedatù te Eleteala kayi te menge etew ne iring te ibpelevag te pan. Migkuwa ini te meritan ne insawug din dut te senge asad ne tapung su apey ebpeketuvù ke mibawug din ne tapung.”

Mateo 13:47

“Ne seveka rema ne ebpekeiring te Kedatù te Eleteala,” ke si Hisus, “ne ini se biyala ne id-antug diyà te ranew su apey ebpekeutel te langun ne edsusunan te serà.

Mateo 20:2

Guna su ruen en nekita rin ne in-upakat din en te edsukeyan din te senge elad ne pelatà su arà ke nelayaman ne sukey te senge hewii, ne pinehelevek din en kayi te pemulaan din.

Mateo 21:28

Mibpenurù pà maa si Hisus te, “Peg-pegitunga niyu ke engkey se meana rin ini se sempità ku. Duen senge etew ne deruwa se anak din me meama. Mid-uvey rin ini se kakey ne migkahi te, ‘Gelevek ka, Mama, diyà te pemulaan ta.’

Mateo 22:2

“Ke Kedatù te Eleteala dut te menge etew,” ke si Hisus, “ne iring kayi. Duen senge etew ne datù ne mibair te kevurunan te kegkawing te anak din ne meama.

Mateo 23:37

“Ey, igkerurunù ku sikiyu ne menge mehinged te Hirusalim! Su sikiyu ke mibpengimatey te menge etew ne mibpelambas te Lalag te Eleteala, wey mibpenrumbag niyu te batu ke menge etew ne midsuhù te Eleteala keniyan te keniyu! Kenà kepipira ku rà perem eburuna sikiyu su edtugenuren ku sikiyu ebpekeiring te upa ne edlekup te anak din, ugaid ne kenà kew ebpelekup kediey!

Mateo 25:1

Ne mibpenempità pà maa si Hisus te, “Ketà te edlived ku kayi te ampew te dunya, ne ke menge etew ne egkiyug ne ebpekiduma dut te menge etew ne Edetuan te Eleteala ne iring kayi. Ruen sepulù ne etew ne menge raha ne ebpengemkem te sulù dan su edtelevuken dan ini se kenakan ne ibpengesawa.

Mateo 25:14

Ne mibpenempità pà maa si Hisus te, “Ini se kedlived ku kayi te ampew te dunya ne ebpekeiring te senge etew ne mibpendiyà te meriyù ne inged. Ne ketà te warà pà mekehenat ne midtawag din ke menge edsugsuhuen din ne insarig din kandan ke kearen din.

Mateo 3:2

Migkahi sikandin diyà te menge etew te, “Pemedsendit kew ne engkeri niyu ke menge meraat ne ulaula niyu su mehaan en Edatù ke Eleteala kenitew.”

Marcos 13:34

Su ini se hewii te kedlived din kayi ne iyan ta ed-upamaan ne etew ne mid-ipanew riyà te meriyù ne inged ne warà din kehiya ke keenu ed-ulì. Ne ruen sugsuhuen din ne pinetuganur din te valey rin te warà pà migenat, ne ruen helevek ne imbehey rin te uman seveka. Ne migkehiyan din ke tumetameng te eheran te mebpekevantey nevenar.

Juan 15:1

Ne mibpenempità si Hisus dut te edumdumaan din te, “Siaken ke benar ne lawa te pinemula ne iyan be edtuganur dut te pinemula ne ke Amey ku ne Eleteala.

1 Kurintu 15:58

Engketà be arà menge suled ne rekelà te hinawa ku, ne itindehi niyu te mevaher ke kebperetiyaya niyu dut te Kerenan tew ne si Hisu Kristu ne kenà niyu perina ke itungan niyu misan duen penggeram ne ebpekeuma kayi te keniyu. Ne pegelepi niyu te edtuman ke kiyug din su netuenan tew te ruen keupiya rin ke langun ne ed-ul-ulaan tew diyà te kandin.