Mateo 2:2 - Ke meupiya ne tudtul mekeatag ki Hisu Kristu

² Nekeuma ran ne mid-insà dan se egkahi te, “Endei ke behu pà ne in-anak ne vatà ne midtendù ne edetuen te menge etew ne Hudiyanen? Su nekita rey ke bituen ne edlepew riyà te inged dey ne rapit te Edsilaan ne tuus te in-anak en sikandin, tembù be mibpengkayi key su ebpengarap key kandin.”

Mateo 2:2 ပူးပေါင်းရင်းမြစ်များ

Mateo 2:3

Guna su nerineg ni Hirudis ini ne warà meupiya ne itungan din, ne iring ded dema ketà ke langun ne menge etew te inged ne Hirusalim.

Mateo 21:5

“Kehiya niyu diyà te menge etew te Hirusalim te, ‘Ebpekeuma en ke datù niyu! Meamuk sikandin ne ed-untud te nati te kudà, uya, ed-untud te anak te kudà, ke binatang ne eduranan.’ ”

Mateo 27:11

Ne mibpeneheewit dan si Hisus diyà te ki Pilatu ke gubinedur ne impeetuvang dan ki Pilatu su ed-insaan. “Menu,” ke si Pilatu, “sikuna en iya ke ratù te menge Hudiyanen?” “Uya, ayan iya se migkahi nu,” ke si Hisus.

Lucas 19:38

Ke sikandan te, “Menu ma ke ebpeneuven te Eleteala ini se datù ne nekeuma su impepengkayi te Eleteala. Ne melinew en ke kebpekiduma tew te Eleteala, ne edeyuen tew ke Eleteala diyà te langit!”

Lucas 2:11

Su ini ne kerukileman diyà te Bitlihim ke inged ni David rengan ne in-anak ke ebpeliyu keniyu dut te salà niyu. Su sikandin si Kristo ke Kerenan ne Impasad te Eleteala rengan ne Ebperetuen te langun.

Lucas 23:3

Ne mid-insaan ni Pilatu si Hisus te, “Menu sikuna en iya ke ratù te menge Hudiyanen?” Ne midtavak si Hisus te, “Uya, ayan iya se migkahi nu.”

Lucas 23:38

Ne ruen surat ne riyà dan intahù te divavew te ulu rin ne egkahi te, “Ini ke Ratù te menge Hudiyanen.”

Juan 1:49

“Meyterù,” ke si Natanael, “sikuna ves iya ke Anak te Eleteala! Sikuna en iya ke Edatù keytew ne menge kevuwaran ni Israyil!”

Juan 12:13

Ne mibpenguwa ran te dawun te menge niyug ne midsinuhung dan si Hisus se egkerag te, “Edeyuen tew ke Eleteala! Ne menu ma ke ebpeneuven te Eleteala ini se ebpekeuma, su midsuhù din te ralan te ketengdanan din. Menu ebpeneuven te Eleteala ini se nepemilì ne Ebperetuen te menge kevuwaran ni Israyil!”

Juan 18:37

Ketà ne migkahi si Pilatu te, “Engkey, ratù ke ves?” Midtavak si Hisus te, “Benar ayan se nekahi nu ne ratù a! Su iyan ku kinepengkayi te ampew te dunya ne impeanak te menusiyà su ebpesabut a rut te benar. Ne misan entei en ne etew se edtampil dut te benar, ne ebpemineg kediey.”

Juan 19:19

Ne ruen insurat ni Pilatu ke gubinedur ne impetahù diyà te divavew rut te pinebelavag ne kayu. Ne ini se insurat din ne egkahi te, “Si Hisus ne riyà ebpuun te Nesarit, ke Ratù te menge Hudiyanen.”

Juan 20:28

Migkahi si Tomas te, “Sikuna ke Kerenan ku, ne Eleteala ku!”

Juan 5:23

Iyan din kinesarig kedì su apey siaken ne Anak din ne egkereyrey rut te langun ne menge etew, iring te kedeyreya ran te Amey ku. Su misan engkey en ne etew ne kenà edeyrey kedì ne kenà dema edeyrey dut te Amey ku ne Eleteala ke midsuhù kedì.

Juan 9:38

“Embiya sikuna ves,” ke se meama, “ebperetiyaya a keykew.” Arà dà ne mibpengarap en ki Hisus.

Hibruhanen 1:6

Ugaid ne ketà te kedsuhua en dut te Eleteala dut te mekegehem ne Anak din kayi te ampew te dunya ne iyan din migkahi se, “Sikiyu ne menge suluhuen ku, ne erapa niyu sikandin.”

Imperayag 22:16

Ne migkahi pà maa si Hisus te, “Siaken si Hisus ne midsuhù te suluhuen ku su ibpesabut din ini se lalag ku riyà te keniyu ne menge mibperetiyaya kediey. Siaken se kevuwaran dut te Datù rengan ne si David ne siaken dema ke mesihey ne mekebangas ne bituen ne edsilà te egkeriwaswas.”