Mateo 19:26 - Ke meupiya ne tudtul mekeatag ki Hisu Kristu

²⁶ Ne midtengteng si Hisus kandan ne migkahi en te, “Embiya etew rà ne kenà dan ebpekegaga ne egaked te umur ne warà edtemanan din, ugaid ne Eleteala se ebpekegaga ne ebehey kandan su egkegaga te Eleteala ke langun taman.”

Mateo 19:26 ပူးပေါင်းရင်းမြစ်များ

Mateo 19:25

Guna su nerineg ini kayi te menge edumdumaan din ne ingkegeyip dan nevenar ne mid-insà dan te, “Embiya iring ketà se kerehen din te etew ne kewasa te kebpesakup din dut te menge etew ne ebeyveyaan te Eleteala, ne engkey rè be buwa se ebpekehaked te umur ne warà edtemanen din?”

Mateo 19:27

Ketà ne migkahi si Pedro te, “Netuenan nu te mid-ewaan dey ke langun taman dey su miduma key keykew. Ne engkey ve se lalew rey?”

Marcos 10:27

Ne midtengteng si Hisus kandan ne migkahi en te, “Embiya etew rà ne kenà dan ebpekegaga te eboejejywa te umur ne warà edtemanan din, ugaid ne Eleteala se ebpekegaga ne ebehey kandan su egkegaga te Eleteala ke langun.”

Lucas 1:37

Su embiya Eleteala, ne egkeveelan din ke misan engkey en.”

Lucas 18:27

Ne migkahi si Hisus te, “Embiya etew rà ne kenà dan ebpekegaga te ed-angkun te umur ne warà edtemanan din ugaid ne Eleteala se ebpekegaga ne ebehey kandan su egkegaga te Eleteala ke langun.”

Hibruhanen 6:6

ugaid ne ed-iniyuhan dan en maa ke Eleteala wey ke langun ne neheraman dan, ne kenà en egkepakey ne edsaup dan en maa ebpedsendit. Su embiya mid-iniyuhan dan en ke kebperetiyaya ran ki Hisus, ne iring te impelansang dan en maa ke Anak te Eleteala diyà te pinebelavag ne kayu ne mibpegkayà dan sikandin diyà te etuvangan te merakel ne etew.