Mateo 19:25 - Ke meupiya ne tudtul mekeatag ki Hisu Kristu

²⁵ Guna su nerineg ini kayi te menge edumdumaan din ne ingkegeyip dan nevenar ne mid-insà dan te, “Embiya iring ketà se kerehen din te etew ne kewasa te kebpesakup din dut te menge etew ne ebeyveyaan te Eleteala, ne engkey rè be buwa se ebpekehaked te umur ne warà edtemanen din?”

Mateo 19:25 ပူးပေါင်းရင်းမြစ်များ

Mateo 19:24

Ne igkahi ku pà lavew keniyu te embiya id-upama ta ne iyan pà melemu ne ebpevayà diyà te vudsi te rahum ini se binatang ne kemilu tumin dè be ke kebpesakup te etew ne kewasa dut te menge etew ne Edetuan te Eleteala.”

Mateo 19:26

Ne midtengteng si Hisus kandan ne migkahi en te, “Embiya etew rà ne kenà dan ebpekegaga ne egaked te umur ne warà edtemanan din, ugaid ne Eleteala se ebpekegaga ne ebehey kandan su egkegaga te Eleteala ke langun taman.”

Mateo 24:22

Ugaid ne sabap dut te raat te nanam te Eleteala ne migkurangan din en ke menge hewii rut te kemeresayan su embiya warà, ne warà egkesamà ne biviyag. Uya, su geina ne rekelà te limù din dut te menge etew ne mibpemilì din, ne migkurangan din ke hewii rut te kemeresayan.

Marcos 13:20

Ugaid ne sabap dut te raat te nanam te Eleteala ne migkurangan din en ke menge hewii rut te kemeresayan su embiya warà, ne warà en egkesamà ne biviyag. Uya, su geina te rekelà ke limù din dut te menge etew ne mibpemilì din, ne migkurangan din ke menge hewii rut te kemeresayan.

Ruma 10:13

Su iring dut te impesurat ne Lalag te Eleteala ne egkahi te, “Misan engkey ne etew ne ebuyù te tavang riyà te ki Hisu Kristu ne ebpekeliyu sikandin dut te kedusa te salà din.”