Mateo 18:35 - Ke meupiya ne tudtul mekeatag ki Hisu Kristu

³⁵ “Ne engketà imbe rema,” ke si Hisus, “ke ed-ul-ulaan keniyu dut te Amey ku ne diyà te langit ke kenà niyu ebpeseharen ke menge ruma niyu se edlipatan en ke meraat ne mid-ulaula ran keniyu su iawà niyu en iya te pegitungan niyu.”

Mateo 18:35 ပူးပေါင်းရင်းမြစ်များ

Mateo 18:34

Neepes nevenar ke datù ne impevilanggù din en ini se edsugsuhuen ne kenà ebpekelihawang sikandin taman te kenà ebpekevayad te langun ne utang din.

Mateo 6:12

Ne pesehara nu ke salà dey iring dut te nepesehad dey en ke nekedsalà kenami.

Marcos 11:25

Ne embiya ebpengeningeni kew riyà te Eleteala ugaid ne ruen meraat ne neketahù te hinawa niyu mekeatag te ruma niyu, ne pesehara niyu sikandin su apey egkepesehad kew rema te Eleteala ke Amey niyu riyà te langit. [

Marcos 11:26

Su embiya kenà niyu egkepesehad ke ruma niyu, ne kenà kew rema egkepesehad dut te Amey niyu ne Eleteala riyà te langit.]”

Lucas 16:15

Ne migkahi si Hisus kandan te, “Sikiyu ne engkungkun ne menge metidtu kew kayi te sineruwan te menge etew, ugaid ne netuenan te Eleteala ke netahù te hinawa niyu. Su ini se rekelà te hinawa te menge etew ne warà pantag din diyà te etuvangan te Eleteala.

Santiago 2:13

Ne ketà te kegkukum te Eleteala te langun ne etew ne kenà din igkeyru ke etew ne warà meyru te menge ruma rin kayi te ampew te dunya. Ugaid ne ke etew ne egkeyru nevenar te menge ruma rin ne kenà egkeandek te Eleteala ne egkukum kandin.

Santiago 3:14

Ugaid ne embiya egkesihi ke etew wey mepereyù, ne kenà meupiya ne ibpendantal din mekeatag dut te meupiya ne ulaula rin wey ke dekelà ne nesebutan din su teruen sikandin wey nekerimpas sikandin dut te tidtu ne penurù.

Santiago 4:8

Embiya ed-uvey kew te Eleteala, ne iring ded dema ketà ke ked-uvey rin keniyu. Sikiyu ne mekesesalà, ne engkeri niyu ke ed-ul-ulaan niyu ne meraat. Ne sikiyu ne asal-asal dà ne ebperetiyaya, ne peketidtuwa niyu ke hinawa niyu te kebperetiyaya.

Imperayag 2:23

Ne ed-imetayan ku rema ke menge etew ne eduma rut te impenurù din su apey egkekita te langun ne mibperetiyaya te siaken ke netau te langun ne netahù te itungan dut te menge etew wey ke egkiyuhan dan dema. Ne edusaan ku red dema ke uman seveka kandan te piya engkey se edait dut te menge ulaula ran.