Mateo 18:14 - Ke meupiya ne tudtul mekeatag ki Hisu Kristu

¹⁴ Ne engketà ded dema ke Amey tew ne Eleteala su kenà din egkiyuhan ne misan seveka dut te mibpesakup kandin ne egkelaag.”

Mateo 18:14 ပူးပေါင်းရင်းမြစ်များ

Mateo 18:13

Igkahi ku keniyu,” ke si Hisus, “te embiya egketuen din en arà se nelaag ne dekelà pà se kegkehalew rin kayi te seveka ne netuen din dut te siyew nepulù wey siyew ne warà nelaag.

Mateo 18:15

“Embiya ruen duma nu ne nekedsalà kenikew,” ke si Hisus, “ne pendiyà ka te kandin ne kehiya nu ke salà din te deruwa kew rà. Embiya ebpevenar sikandin ne netevangan nu sikandin su ebpeked-uliey kew te meupiya ne itungan.

Mateo 5:16

Ne iring ded te sulù ne impeluukluuk te saag ne ebpekerayag te langun ne menge etew ketà te lusud te baley, ne pekereyaha niyu ke sulù niyu riyà te menge etew su apey ran mekita ke meupiya ne ed-ul-ulaan niyu ne ebpekereyù dan dut te Amey niyu ne Eleteala diyà te langit.”

Mateo 6:32

(Su ini imbe ke layun intahù te hinawa rut te menge etew ne kenà ebperetiyaya te Eleteala.) Ugaid ne sikiyu, ne kenà kew meuru su netuenan dut te Amey niyu ne Eleteala ke engkey se kurang niyu.

Mateo 6:9

“Embiya ebpengeningeni kew ne iringa niyu kayi, ‘Ah, Amà diyà te langit, berekat ne edati te menusiyà ke ngaran nu.

Lucas 12:32

“Sikiyu ini se menge edumdumaan ku,” ke si Hisus, “kenà kew meandek, su misan deisek kew rà ne ke Amey niyu riyà te langit ne egkiyug ne egkeratù kew dut te menge etew ne Edetuan din.

Juan 17:12

Su gewii te ini e pà te kandan ne mid-ipat ku sikandan te ralan te kerekelà te gehem te ngaran nu ne imbehey nu kediey. Uya, mid-ipat ku sikandan su warà seveka rà kandan ne neawà liyu rà ketà te senge etew ne iyan dà nekahi neraan ne ed-ulug kediey. Neawà sikandin su apey egketuman ke impesurat ne Lalag nu.

Juan 21:15

Nekeipus dan se egkaan ne migkahi en si Hisus diyà te ki Simon Pedro te, “Simon, sikuna ini ke anak ni Juan, maa igkelimù a nu ve te muna pà dut te kegkelimù te ruma?” “Uya, Kerenan,” ke si Simon, “netuenan nu en se igkelimù ku sikuna.” Ne migkahi si Hisus te, “Tugenura nu ini se menge etew ku ne iring te nati te bilibili.”

2 Timoteo 2:10

Ketà be ne edtigkeran ku en ma lavew piya engkey ne egketemanan ku apey ke menge etew ne mibpemilì te Eleteala ne ebpekerineg te lalag din ne egketau te si Hisus ne ebpeliyu kandan, su kiyug ku ne ebpekeliyu ran dema egenat te kebperetiyaya ran ki Hisu Kristu ne ebpeketelimà dan te umur ne warà edtemanan din wey warà pasar din se keupiya rin neraan en ne impenehana te Eleteala kandan.

Hibruhanen 12:13

Ne kenà niyu engkeri te tidtu ne ralan ne ed-ikulen niyu su apey kenà medlugkà ke menge ruma niyu ne meluvey se kebperetiyaya rin ki Hisus, inemulà se ebpekevaher dut te kebperetiyaya ran.

2 Pedro 3:9

Ne misan egkahi ke menge etew ne edlanganlangan ke Kerenan ne edtuman te impasad din te edlived kayi te ampew te dunya, ne iyan din kenà pà kebpengkayi su ke Eleteala ne mid-inuman din te meadsil mekeatag dut te menge etew. Su iyan din egkiyuhan ne warà seveka rà ne kenà ebpekeliyu rut te kedusa rin, ugaid ne kiyug din ne langun ne menge etew ne ed-engked dut te meraat ne ulaula ran ne ebpeneheewit kandan te kegkereeti ran.