Mateo 17:20 - Ke meupiya ne tudtul mekeatag ki Hisu Kristu

²⁰ “Warà niyu megaga,” ke si Hisus, “su kurang nevenar ke kedsarig niyu te Eleteala. Tentenuri niyu ini su embiya ruen kebperetiyaya niyu te Eleteala ne reisek, misan iring dà dut te reisek ne lahas te mustasa ne ebpekegaga kew te merehen ne egketemanan. Su embiya idsempità ta ne ebpekegaga ka ne ebpearat te buvungan ke egkehiyan niyu te, ‘Meawà ka.’ [

Mateo 17:20 ပူးပေါင်းရင်းမြစ်များ

Mateo 13:31

Ne mibpenurù maa si Hisus te ruma pà ne sempità. “Ini se Kedatù te Eleteala kayi te menge etew,” ke sikandin, “ne ebpekeiring te merimet nevenar ne lahas ne ed-ingeranan te Mustasa ne ibpemula te etew.

Mateo 14:29

“Pengkayi ke en!” ke si Hisus. Ne ketà ne midrenà si Pedro dut te avang ne mid-ipanew en diyà te divavew te wayig se ebpendiyà te ki Hisus.

Mateo 17:17

Migkahi si Hisus te, “Sikiyu ne menge etew guntaan, ne warà kebperetiyaya niyu te Eleteala wey menge suer kew!” ke sikandin. “Neuhet en se kebpekiduma ku keniyu, ne engkey pà se taman ne kebperetiyaya niyu? Engkey pà taman se keuhet din se kedtigkeri ku keniyu? Ipengkayi niyu ayan se vatà!”

Mateo 17:19

Ne mid-uvey ki Hisus ke menge edumdumaan din te sikandan dà ne mid-insà te, “Meambe ke warà dey megaga te edsegseg ke vusew ne midsuuk ketà te vatà?”

Mateo 17:9

Gewii ran te edtupang ne mibenduan dan ni Hisus te, “Ini se nekita niyu ne kenà niyu imbe ibpenudtul te misan entei taman te egkevanew en ke Impeanak te Menusiyà.”

Mateo 21:21

“Sebenarvenar ne ini se egkehiyen ku keniyu,” ke si Hisus, “embiya edsarig kew te Eleteala te warà keduwaruwa te hinawa niyu, ne ebpekegaga kew te iring kayi te mid-ulaula ku ini kayi te kayu. Ne kenà ketà dà taman su misan ke kenà egkegaga te menusiyà ne egkegaga niyu iring te egkehiyan niyu ini se buvungan te, ‘Awà ka keniyan ne riyà ka te rahat,’ ne egketuman ini se egkehiyen niyu.

Mateo 8:26

Ne migkahi si Hisus te, “Meambe ke nengeandek-andek kew? Kurang kew te sarig kedi!” Ne mid-enew en ne pineengked din en ke keramag wey menge baleg, ne midlengen en ke ranew.

Marcos 11:22

Ne migkahi si Hisus te, “Tentenuri niyu ini ne sarig kew te Eleteala.

Marcos 11:23

Su sevenarbenar ini se egkehiyen ku keniyu ne embiya meilut se kedsarig niyu te Eleteala te warà keduwaruwa rin, ne misan ke kenà egkegaga te menusiyà ne egkegaga niyu iring te ne misan egkehiyen niyu ini se buvungan te, ‘Awà ka kayi ne riyan ka te rahat,’ ne egketuman ini se egkehiyen niyu.

Marcos 4:31

Su ini se kedtuvù te kedatù te Eleteala te menge etew ne ebpekeiring dut te merimet nevenar ne lahas ne ed-ingeranan te Mustasa. Ini ke pinekemerimet ne lahas kayi te ampew te dunya.

Marcos 9:23

“Ne meambe ke id-insà nu pà embiya egkegaga ku?” ke si Hisus. “Su langun ne egkegaga te etew embiya ruen peretiyaya rin te Eleteala.”

Lucas 1:37

Su embiya Eleteala, ne egkeveelan din ke misan engkey en.”

Lucas 17:6

Ne migkahi si Hisus te, “Embiya ruen kebperetiyaya niyu te Eleteala ne reisek misan iring dut te reisek ne lahas ne mustasa ne ebpekekahi ka kayi te ini se rekelà ne kayu te, ‘Awà ka kayi ne arat ka riyà te rahat,’ ne arà dà ne ebpekeperumaruma keykew.”

Lucas 18:27

Ne migkahi si Hisus te, “Embiya etew rà ne kenà dan ebpekegaga te ed-angkun te umur ne warà edtemanan din ugaid ne Eleteala se ebpekegaga ne ebehey kandan su egkegaga te Eleteala ke langun.”

Juan 11:40

“Migkahi ku en keykew te embiya ebperetiyaya ka ne egkekita nu arà se ebpekereyù te Eleteala,” ke si Hisus.

1 Kurintu 12:9

Ne senge etew pà lavew ne iyan imbehey kandin ne ke mevaher ne kedsarig, ne ruen pà lavew ne iyan imbehey kandin ne ke gehem te kebpemawì su apey rin mevewii ke menge ebpenderaru.

1 Kurintu 13:2

Ne misan metau a ne ebpelambas te Lalag te Eleteala, ne misan ruen impayag te Eleteala kediey ne in-eles din dut te ruma ne etew, ne misan nesebutan ku ke langun ne benar ne penurù, ne misan engkey pà se kerekelà te sarig ku te Eleteala su apey ku egkekehiyan ke buvungan te ibpearat, ugaid ne embiya warà limù ku rut te menge ruma ku ne warà egkepentehan ku riyà te etuvangan te Eleteala.

Hibruhanen 3:19

Engketà be ne netuenan tew se ayan ne menge etew rengan ne warà en iya mekelusud ketà te inged ne impenehana te Eleteala kandan su warà dan mebperetiyaya kandin.