Mateo 17:2 - Ke meupiya ne tudtul mekeatag ki Hisu Kristu

² Guna su ketà dan en ne midtengtengan dan si Hisus ne netekew nedsalin ke kebpeparas din su mid-anlag ini se buked din iring te andew. Ne mibpeneringsing ke velegkas din te keputì.

Mateo 17:2 ပူးပေါင်းရင်းမြစ်များ

Mateo 17:1

Guna su neked-enem en new hewii, ne pineruma ni Hisus ensi Pedro wey ke teleari ne si Santiago wey si Juan ne midtekereg dan diyà te mehantur ne buvungan te sikandan dà.

Mateo 17:3

Netekew ran dema nekita se deruwa ne etew se ebpekidlalag ki Hisus, si Moises wey si Elias, ke menge mibpelambas te Lalag te Eleteala rengan.

Mateo 28:3

Ne ke paras din ne egkinrab iring te kilat, ne mibpeneringsing te keputì te velegkas din.

Marcos 9:3

Ne mibpeneringsing ke velegkas din te keputì su warà misan engkey ne kayi te ampew te dunya ne ebpekemeputì iring kayi.

Lucas 9:29

Gewii ni Hisus te ebpengeningeni ne nesalin ke paras dut te buked din. Ne mibpeneringsing ke velegkas din te keputì su warà misan engkey ne kayi te dunya ne ebpekemeputì iring kayi.

Juan 1:14

Ne ke mid-ingaranan te Lalag ne mibpebaluy en ne menusiyà ne mid-ubpà en kayi te keytew. Ne lilimuen nevenar sikandin, wey ke langun ne egkehiyen din ne benar. Nekita rey ke geyip ne gehem din ne imbehey kandin te Eleteala su sikandin ke budtung ne Anak te Amey rin ne Eleteala.

Juan 17:24

“Is, Amà, ini se menge etew ne imbehey nu kediey,” ke si Hisus, “ne iyan ku kiyug ne riyà dan te kediey ne ed-ubpaan su apey ran egkekita ke mekegeyip ne raman ku. Su ini se raman ku ne imbehey nu kediey su ingkelimù a nikuna rengan te warà pà limbaha ini se dunya.

Ruma 12:2

Ne kenà niyu peun-unuti ke menge ulaula kayi te ampew te dunya ne egkunterà te Eleteala, ugaid ne ivehey niyu te Eleteala ke itungan niyu su apey ke daan ne perangey niyu ne egkevehuwan din. Ketà be ne egkesebutan niyu ke kiyug te Eleteala kayi te keniyu, ne egkesebutan niyu ke ulaula ne ebpekesuhat te hinawa rin su apey warà igkesewayi keniyu.

Imperayag 10:1

Dutun ne nekita ku ne ruma pà ne mevaher ne suluhuen te Eleteala ne mibpenaug ne egenat te langit. Ne iring te mibevelegkas te sehulapun, ne neterungan ke ulu rin te beluntu. Ke buked din ne iring te ebpeneringsing ne andew, ne ke menge paa rin ne iring dut te pelaus ne regreg.

Imperayag 20:11

Neipus arà ne ruen nekita ku ne meluag ne ebpinuuwan ne meputì ne ruen ebpinuu ketà. Ne neawà ini se tanà wey langit diyà te etuvangan din ne kenè en egkekita.