Mateo 16:16 - Ke meupiya ne tudtul mekeatag ki Hisu Kristu

¹⁶ Ne midtavak si Pedro te, “Sikuna ke Impasad ne Ebperetuen te langun ne menge etew dut te Eleteala ne warà kemetayan din, ne sikuna ke Anak din.”

Mateo 16:16 ပူးပေါင်းရင်းမြစ်များ

Mateo 1:16

si Jacob ne amey ni Jose, ke esawa ni Maria ne iney ni Hisus ne ed-ingaranan ki Mesiyas, ne iyan din meana ne impasad te Eleteala ne Ebperetuen te langun.

Mateo 14:33

Guna su diyan dan en te avang, ne mibpengarap ini se menge edumdumaan din kandin. “Benar iya ne Anak ka te Eleteala!” ke sikandan.

Mateo 16:15

“Ne menu sikiyu,” ke si Hisus, “engkey e ma diyà te pegitungan niyu?”

Mateo 26:63

Ugaid ne mibpeeneng-eneng dà si Hisus. Ne migkahi pà maa ini se Pinekemepurù dut te menge terebpelengesa te, “Ini ka te etuvangan te Eleteala ne sesapà ka embiya sikuna ke Anak din ne Impasad din ne Ebperetuen te langun.”

Mateo 27:54

Ne ini se kepitan wey ke menge ruma rin ne sundaru ne ebantey ki Hisus, ne nengeandek dan nevenar dut te neheram dan ke linug wey nekita ran ke langun ne ned-ulaula ketà. Ke sikandan te, “Benar ini ne Anak te Eleteala!”

Mateo 4:3

Ne mid-uvey kandin si Setanas ke datù te pekaid ne mibpenggeraman din se egkahi te, “Embiya sikuna en ke Anak te Eleteala ne pebeluya nu ini se menge batu ne pan ne egkekaan.”

Marcos 14:61

Ugaid ne mibpeeneng-eneng dà si Hisus. Ne migkahi pà maa ini se pinekemepurù dut te menge terebpelengesa te, “Maa, sikuna en iya ini ke Anak te Eleteala ne midtendù din ne ebperetuen din?”

Lucas 2:11

Su ini ne kerukileman diyà te Bitlihim ke inged ni David rengan ne in-anak ke ebpeliyu keniyu dut te salà niyu. Su sikandin si Kristo ke Kerenan ne Impasad te Eleteala rengan ne Ebperetuen te langun.

Juan 1:49

“Meyterù,” ke si Natanael, “sikuna ves iya ke Anak te Eleteala! Sikuna en iya ke Edatù keytew ne menge kevuwaran ni Israyil!”

Juan 11:27

Ne midtavak si Marta te, “Uya, mibperetiyaya a te sikuna ke Impasad te Eleteala ne Ebperetuen, ke Anak din ne impepengkayi rin te ampew te dunya.”

Juan 20:31

Ugaid ne ini se mekegeyip ne ulaula ne ingkesurat kayi su apey kew ebpekeperetiyaya te Anak te Eleteala si Hisus, ne ebpekeperetiyaya kew rema te sikandin ke Impasad te Eleteala ne Ebperetuen, su embiya ebperetiyaya kew kandin ne ebpeketelimà kew te umur ne warà edtemanan din.

Juan 6:57

Ke Amey ku ne Eleteala ne midsuhù kedì ne ruen umur din ne warà edtemanan din ne ketà ebpuun ne ruen kedì ne umur. Ne iring dema ketà ke etew ne egkaan kediey, egkevehayan sikandin te umur su kayi ebpuun te kediey.

Juan 6:68

Migkahi si Simon ke mid-ingaranan ki Pedro te, “Sikuna ke Kerenan dey ne endei key pè be ebpesinaru? Su sikuna rè ma ke ebpenurù te ralan te kebpeketelimà te umur ne warà edtemanan din.

Juan 6:69

Ne mibperetiyaya key en keykew su netuenan dey se sikuna ke Berekat ne midsuhù te Eleteala ne ebpekemalen.”

Nenged-ulaula 14:15

“Meambe ke ed-ul-ulaan niyu ini? Sikami ne etew red dema iring keniyu! Ne iyan dey impengkayi te inged niyu su ibpesabut dey ke Meupiya ne Tudtul apey niyu egkeengkeri ke kebpengarap niyu te menge diwata ne warà rantek din su apey kew ebpekepengarap te Eleteala ne warà kemetayen din. Iyan sikandin midlimbag te langit wey tanà wey dahat wey ke langun ne neketahù ketà.

Nenged-ulaula 8:36

Neiseg-iseg te ked-ipanew ran ne ruen neumaan dan te wayig. Migkahi ke meama te, “Ruen wayig ini. Menu, egkepakey en ne ebunyahan a nu?” [

Nenged-ulaula 8:37

Ne migkehiyan ni Felipe sikandin te, “Egkepakey ne ebunyahan ka embiya imbehey nu en ke hinawa nu ki Hisus su mibperetiyaya ka kandin.” “Mibperetiyaya ad,” ke se meama, “su mibperetiyaya a te si Hisu Kristu ke Anak te Eleteala.”]

Nenged-ulaula 9:20

Dutun ne mibpendiyà sikandin te menge baley ne ebpengedian te menge Hudiyanen te penduan dan su ebpesabut te si Hisus ke Anak te Eleteala.

Ruma 1:4

Ne netuenan ta te si Hisu Kristu ne lunsey ne Eleteala, su impekita en te Anak sikandin ketà te mibanew te Eleteala sikandin.

2 Kurintu 1:19

Su ke Anak te Eleteala ne si Hisu Kristu ke impesabut dey keniyu ki Silas wey si Timoteo ne egkeserihan sikandin su kenà egkepakey ne kenà din edtumanen ke nekahi rin.

2 Kurintu 3:3

Ne egkekita kayi te ed-ul-ulaan niyu te nesembian en ni Hisu Kristu ke hinawa niyu sabap dut te impesabut dey keniyu mekeatag kandin. Ne sikiyu ne timbang te tidtu ne surat ne kenà belad dà se midsurat, ugaid ne ibpepevayà dut te helevek te Kedesenan ne Ebpetuntul te Menusiyà. Ne kenà diyà dà insurat te melumpipì ne batu iring dut te penduan ne intahak ki Moises dengan, ugaid ne surat ini ne riyà din en mulà insurat te hinawa niyu.

2 Kurintu 6:16

Ne kenà egkepakey ne ruen tarù ne ebpengerapan ne id-amung dut te baley ne ebpengeningeniyan te Eleteala. Engketà ded dema ke sikitew ne mibperetiyaya, su iring kiyu te baley ne ed-ubpaan te Eleteala. Su migkahi ke Eleteala te, “Ebeluyen ku ne ed-ubpaan ku ke menge etew ku, ne ebpekiduma a kandan. Su siak ke Eleteala ran ne ed-erapen dan, ne sakup ku en sikandan.”

1 Tiselunika 1:9

Su sikandan en se ebpemenudtul mekeatag te kegalàhalà niyu kenami ketà te kebpekeuma rey keniyan te keniyu. Ne ebpemenudtul dan mekeatag dut te kebpekeengked niyu te ebpengarap te ledawan dà ne kenà tidtu ne Eleteala su apey kew ebpengarap dut te tidtu ne Eleteala ne warà kemetayen din.

1 Timoteo 3:15

ne kema ke mevangen a, ne ini ve se surat ku ne ebpekepenurù keykew ke engkey se meupiya ne ed-ul-ulaan tew te sikitew ne mibperetiyaya te Eleteala ne warà kemetayan din, su anak kiyu en nikandin. Su langun tew ne mibperetiyaya te Eleteala ne iring ki te baley te Eleteala ne ed-ubpaan din. Ne iring ki red te pelaus dut te baley rin su sikitew se edtindeg dut te benar ne penurù din.

1 Timoteo 4:10

Tembù be ebpegelep te egelevek te Eleteala su edsarig ki te Eleteala ne warà kemetayan din ne iyan ebpekepeliyu te langun ne menge etew, labi en ke menge etew ne mibperetiyaya kandin.

Hibruhanen 10:31

Ne mekeandekandek nevenar embiya ebpekepevayà ki te gehem te kukuman te Eleteala ne warà kemetayen din.

Hibruhanen 12:22

Ugaid ne sikitew ve guntaan, ne ini ke ralan te kebpekeuvey tew te Eleteala ne kenè en iring dut te menge Hudiyanen dengan su iring te nekeuma ki en dut te buvungan ne ed-ingaranan te Siyun ne ed-ubpaan te Eleteala ne warà kemetayan din. Ne ini se inged ne riyà te langit ne ed-ingaranan te Behu ne Hirusalim ne ruen egngivungivuwan ne menge suluhuen din dema ne edeyù kandin.

Hibruhanen 3:12

Engketà be menge suled ku, uram-uram kew nevenar su apey warà seveka keniyu ne eduma te meraatey ne itungan ne ed-awà se peretiyaya rin te Eleteala, su arà se kebpekepekeriyù tew rut te Eleteala ne warà kemetayen din.

Hibruhanen 9:14

Engketà be ne embiya ebpekegaga ne ed-awà te meredsik te etew arà se lengesa rà te menge binatang, ne iyan pè be kenà muna pà se kebpekegaga rin ini se lengesa en ni Hisu Kristu te kebpeliyu rin kenitew rut te salà tew. Su egenat te tavang te Kedesenan ne Ebpetuntul te Menusiyà, ne imbehey ni Hisus ke hinawa rin ne ebpebpatey misan warà deisek dà ne salà din su ini ke ibehey rin te Eleteala. Ne ini se lengesa rin se edlinis kenitew apey ki edsangur te Eleteala ne warà kemetayan din. Tembù be kenà en ebpegingewaan te edumaan ta ke iring dut te menge Hudiyanen ne kenà ebpekegaga te ebpeuvey kenitew te Eleteala.

1 Juan 4:15

Ne piya engkey ne etew ne egkahi te si Hisus iya ke Anak te Eleteala, ne kayi en ke Eleteala te kandin ne iring din ded ne mibpekidseveka sikandin te Eleteala.

1 Juan 5:20

Ne netuenan tew rema te ke Anak te Eleteala se mibpengkayi te ampew te dunya su ebperayag te itungan ta su apey egkeheraman te hinawa ta ke tidtu ne Eleteala. Ne mibpekidseveka ki en kandin ne iyan tidtu ne Eleteala su mibpekidseveka ki en dut te Anak din si Hisu Kristu. Sikandin ke tidtu ne Eleteala ne sikandin ke ebpuunan te umur ne warà edtemanan din.

1 Juan 5:5

Uya, ke etew rà ne mibperetiyaya te si Hisus iya ke Anak te Eleteala se ebpeketalew dut te datù te pekaid ne ebayàbayà kayi te ampew te dunya, warà ruma.

Imperayag 7:2

Ne ruen ruma pà ne suluhuen te Eleteala ne nekita ku ne migemew riyà te edsilaan ne mid-ewit te tumbuk te Eleteala ne warà kemetayen din. Ne mibmerahing se kegkahi rin dut te epat ne suluhuen ne mibehayan te Eleteala te gehem te edereetan ke tanà wey rahat.